Nga sot e deri më 22 gusht, Dielli do të kalojë në shenjën e zodiakut Luan, por do të vijë në kundërshtim me Plutonin deri më 24 korrik. Gjatë kësaj periudhe, shumë do të përjetojnë një krizë të identitetit të tyre: çfarë besoni, çfarë keni arritur dhe pse jeni në situatën tuaj aktuale, gjë që ju bën të frikësoheni, të ndiheni të pafuqishëm përballë ndryshimeve të pandalshme që po ndodhin në jetën tuaj. Disa prej tyre mund të jenë të detyruara nga faktorë të jashtëm, por të tjera, mund t'i keni provokuar vetë me vendimet dhe veprimet tuaja të kaluara. Shmangni konfliktet me njerëz që kanë ndonjë autoritet ose një pozicion më të lartë se ju. Do të jetë më e vështirë për njerëzit me një EGO më të madhe ose për ata që nuk mund ta kontrollojnë atë. Do të njiheni nga veprat tuaja... Gjatë periudhës së këtij tranziti të pafavorshëm janë të mundshme probleme në biznes, me para, taksa, trashëgimi. Konfliktet seksuale do lindin në dashuri dhe në marrëdhëniet bashkëshortore. Do të ekzistojë rreziku i trajtimit të pahijshëm të fëmijëve dhe nuk përjashtohen manifestimet e mizorisë ose ashpërsisë së tepruar si ndaj fëmijëve, ashtu edhe ndërmjet vetë fëmijëve. Ky kalim do të mbahet mend për transformime të rëndësishme në jetën tuaj që do të ndodhin pas periudhave të shkurtra të stresit dhe tensionit të madh.
Nëse keni lindur në shenjën e Dashit, Luanit apo Shigjetarit, sot do të reflektoni për disa pika kthese në jetën e dikujt që njihni. Dita do të mbahet mend me një bisedë apo një eksperiencë lidhur me një person që jeton pranë jush. Të lindurit në shenjën e Dashit, sot mund të ndiejnë mungesë durimi si në kryerjen e detyrave të përditshme, ashtu edhe në komunikimin me njerëzit e afërt. Për Luanin dita sjell lajme të rëndësishme që mund të sjellin disa ndryshime në jetën personale apo familjare. Të lindurit në shenjën e Shigjetarit, kujdes nga problemet në familje, të cilat mund të marrin një kthesë të papritur.
Nëse keni lindur në shenjën e Demit, Virgjëreshës apo Bricjapit, të hënën mund të angazhoheni për organizimin e burimeve tuaja financiare. Pastërtia dhe rregullimi i shtëpisë tuaj, riparimet ose përmirësimet e vogla për të siguruar rehati për familjen do të kërkojnë vëmendje. Sot do të keni arsye të reja gëzimi, por do të zhgënjeheni edhe nga pamundësia për të zbatuar disa nga planet tuaja. Sot në shumë gjëra do të keni fat ose do të arrini suksesin me lehtësi, përderisa keni dëshirën për të punuar dhe ambicien për të vepruar. Të lindurit e shenjës së Demit do të mendojnë mirë për veprimet e tyre këtë javë, por duket se në këtë moment është më e rëndësishme të përfundoni gjithçka që tashmë jeni angazhuar. Puna me dokumente, kontrata dhe pagesa të ndryshme mund të pritet në këtë ditë nga të lindurit në shenjën e Virgjëreshës. Për Bricjapin, e hëna sjell më shumë detyra, nevojën për organizim dhe vëmendje më të mirë kur komunikoni me të huajt apo personat në konflikt.
Nëse keni lindur në shenjën e Binjakëve, Peshores apo Ujorit, keni një ditë të favorshme përpara jush për të takuar njerëz të rëndësishëm për ju, për të udhëtuar apo për të kontaktuar me njerëz nga larg. Udhëtimet që do të bëjnë disa prej jush me shumë mundësi do të jenë të paracaktuara. Çështjet tuaja financiare do zhvillohen normalisht, pa surpriza të pakëndshme. Kjo ditë mund të jetë një pikë kthese në jetën e disa grave. Të lindurit në shenjën e Binjakëve mund të kalojnë një moment iluzionesh apo gabimesh, kryesisht në punë apo biznes. Kini kujdes se për çfarë angazhoheni dhe tek kush mbështeteni për të kryer detyrat tuaja profesionale. Të lindurit e shenjës së Peshores do të kenë një ditë të mrekullueshme në të cilën do të mund të realizojnë lehtësisht një nga detyrat e tyre, ose do të kenë një shans të papritur për të arritur diçka të rëndësishme. Për Ujorin, dita sjell më shumë optimizëm dhe besim në veprimet dhe planet që kanë në këtë periudhë të jetës së tyre.
Nëse keni lindur në shenjën e Gaforres, Akrepit ose Peshqve, e hëna do të favorizojë bisedat ose mbledhjet me miqtë, veçanërisht nëse ju ose ata keni një rast të veçantë për këtë. Sot do i kushtoni më shumë vëmendje miqve të afërt. Edhe jeta juaj e dashurisë do të zërë një vend të rëndësishëm në ditën e parë të javës. Mos i lini pas dore dëshirat e fëmijëve tuaj, por le të jetë gjithçka e arsyeshme dhe pa teprim. Të lindurit në shenjën e Gaforres do të kenë një arsye gëzimi, e cila në shumicën e rasteve do të lidhet me jetën tuaj personale ose me realizimin e një plani që ka një kuptim të rëndësishëm për të ardhmen tuaj. Për Akrepin dita sjell lajme të mira apo eksperienca të veçanta që lidhen me një fëmijë, nip apo një të ri nga rrethi i të afërmve apo miqve. Të lindurit në shenjën e Peshqve do të duhet të kujdesen mirë për gjërat e tyre personale këtë ditë.
