How I pack, by Emi Seiti (Ose si bëhet një valixhe perfekte)
Dua të ndaj me ju disa këshilla për një stil të thjeshtë pushimesh, ose më saktë dua t’ju tregoj se si përgatis valixhen time për pushimet e verës: Nga gjërat që unë marr gjithmonë në çantën e plazhit, deri tek truku për një “makeup” të freskët gjatë ditës.
Gjithmonë, para dy ose tre ditësh bëj një kontroll në dollap. Çfarë veshjesh më përshtaten për një pushim të gjatë, nëse udhëtoj jashtë vendit. Ama edhe nëqoftëse rri një ditë dua gjithmonë të shikoj çdo gjë dhe të di se ku i kam veshjet e mia. Marr disa opsione veshjesh, sepse e kam të vështirë të zgjedh. Gjatë udhëtimit kam dëshirë që të vesh gjëra të rehatshme si për shembull këto xhinse blu nga “Zara”, një bluzë pambuku të thjeshtë, të cilën e kam zgjedhur nga “Balenciaga” si dhe një palë atlete nga “Off-White”, komode dhe me shumë stil njëkohësisht.
Ndërsa me këto syze nga Bottega Veneta mund të bëhemi të pakrahasueshme.
Shkojnë kaq shumë me xhinse dhe bluzë të thjeshtë pambuku. Pastaj ku mund të shkonim pa një çantë, ku do mund të vinim pasaportën, telefonin, kartën e kreditit, ndonjë “lip-gloss”, pasi ne vajzat nuk mund të jetojmë dot pa të?! Kam zgjedhur këtë çantë krahu, e njohur si “shoulder bag” nga “Valentino” ku mund të vendosim çdo gjë që na nevojitet.
Kjo valixhe luksoze e veshur me kanavace më pëlqen shumë. Valixhe e përsour për të mbajtur sa më shumë rroba dhe për të lëvizur sa më lehtësisht nëpër aeroporte.
Për këtë udhëtim do më duhen patjetër pantallonat e shkurtra, 3-4 palë ndoshta, të cilat janë të markave “Frame”, “Dolce Gabbana”, “Rag & Bone”.
Do të merrja 4-5 “crop tops”, ose bluza të shkurtra nga “Cara Cara” , “Staud” , “Derek Lam” dhe këtë kanotiere të bardhë nga “Bottega Veneta”.
Gjithashtu dhe një “sleeveless top” nga “Bottega Veneta” të cilën kam vendosur ta kombinoj me këto pantallona të shkurtra të bardha nga “Valentino”.
Zakonisht marrë dy palë rroba plazhi me trup dhe dy ose tre palë bikini. Kam zgjedhur këto rroba plazhi me trup, të bardha nga “Myra” , këto nga “Tory Burch dhe të tjerat, ngjyrë portokalli, nga “Haight”. Më pas për bikini kam zgjedhur një palë nga “Fendi”, një palë nga “Burberry” dhe këto të tjerat nga “Lisa Marie Fernandez”.
Kalojmë tek fustanet, të preferuarat e mia.
Kam zgjedhur këtë fustan me motive leopardi nga “Zimmermann”. Është i përsosur për një veshje mbrëmjeje. Siç e shihni ka një dekolte në formë V-je të ekzagjeruar e njëherësh elegante dhe joshëse si dhe një pjesë të hapur rreth belit për ta theksuar sa më shumë. Mund të vishen me sandale të sheshta dhe me bizhuteri të thjeshta.
Fustanin tjetër e kam zgjedhur nga “Saint Laurent” një me pika dhe shumë të lehtë për t’u veshur gjatë mbrëmjeve të verës.
Ndërsa ky fustan nga “Marina Moscone” është i krijuar nga një pambuk i butë dhe është tejet elegant. Në një shëtitje gjatë ditës për të eksploruar vendin do të dukeshim mbresëlënëse.
Fustani im i preferuar është ky nga “Jacquemus” i cili është i krijuar nga linoja. Ky fustan nga “Caroline Constas” shton romanticitet në veshjet tona pranverore. Është i punuar nga pambuku i bardhë dhe ka mëngë të fryra. Unë për veten time do ta vishja me disa sandale me prerje që nxjerr në pah gishtat dhe me bizhuteri të thjeshta.
Fustani i fundit që kam zgjedhur është ky nga “Zimmermann” i cili është i qëndisur me lule shumëngjyrëshe. Do të dukeshim kaq bukur teksa ecim!
Këpucët i vë gjithmonë në çanta të veçanta, të vogla që të mos ngatërrohen me veshjet e mia. Kam vendosur të marrë në valixhen time këto “slides” të “Gabriella Hearst” të cilat janë tepër të rehatshme.
Më pas kam zgjedhur këto sandale lëkure nga “Valentino” me pseudonimin e tyre “Rockstud” që nga viti 2010.
Një zgjedhje perfekte për mbrëmjen, të cilat t’i tregojnë shumë bukur këmbët. Përsëri nga “Valentino Garavani” kam zgjedhur këto “flats”, komode dhe të thjeshta.
Ndërsa këto balerinat nga “Christian Louboutin” janë perfekte për t’i kombinuar me fustanin e mësipërm të “Zimmermann”.
Të fundit dhe të preferuarat e mia për shëtitjet e gjata janë këto nga “Ancient Greek Sandals”, tepër të rehatshme dhe mund të vishen me xhinse deri tek fustanet e holla të verës.
Këtë “jumpsuit” me ngjyrë neutrale kam vendosur ta kombinoj me këtë kapelë të gjerë e të shtrirë nga “Saint Laurent”, gjithashtu dhe me çantën e vogël te krahu nga “Hunting Season” siç e kam përmendur dhe më poshtë.
Gjatë një “sightseeing” ose ndryshe një eksplorim qyteti të ditës së pestë ose të gjashtë do të vishja këto pantallona të shkurtra nga “Zimmermann”, të kombinuara gjithashtu dhe me bluzë të së njëjtës firmë.
Po ashtu kam dhe një tjetër veshje për një eksplorim qyteti nga “Charo Ruiz Ibiza” vetëm se është një fund dhe një bluzë e shkurtër ngjyrë bojëqielli e errët. Mund të dukemi vërtet të pakrahasueshme me këtë veshje.
Një tjetër kombinim nga “Bondi Born”, një kemishë lino dhe një palë pantallona të shkurtra lino. Mund të vishen për të bërë një shëtitje në qytet.
Gjithashtu dhe kjo këmishë e bardhë dhe e freskët nga “Valentino” e kombinuar me këto xhinse të errëta nga “Zara”.
Kur bëhet fjalë për çantat, ato janë aksesori im i preferuar. Mendoj se një grua po pati një çantë në dorë ndihet me konfidente dhe e kompletuar. Besoj se kam të drejtë apo jo?
Kam zgjedhur të marr këtë çantë të vogël krahu nga “Hunting Season”. Kjo çanta tjetër përsëri e vogël nga “Stella McCartney” ka një përdorim të dyfishtë dhe mund të shërbejë gjithashtu si çantë dore. Ndërsa kjo çantë nga “Bottega Veneta” ngjyrë e zezë është tepër elegante dhe mund të shkojë me fustanin me printim leopardi nga “Zimmermann”. Çanta e plazhit nga “Sensi Studio” është e përkryer dhe tepër komode pasi ofron hapësirë të bollshme për të mbajtur gjithçka që na nevojitet. Kjo çantë e gjerë “basket” nga “Dragon Diffusion” është e krijuar nga lëkurë e butë dhe përshtatet lehtësisht për të futur kremin e diellit, peshqirin dhe ndonjë libër. Për mendimin tim çanta e plazhit e “Anya Hindmarch” me ngjyrën portokalli të gjallëruar, kombinohet me çdo veshje. Mos hezitoni ta bëni tuajën pasi është ideale për sezonin e plazhit.
Aksesori i dytë dhe jo më pak i rëndësishëm, syzet. Zakonisht marr dy ose tre palë. Fillimisht, kam zgjedhur të marr këto syze të krijuara nga një bashkëpunim i frytshëm i “Oliver Peoples” and “The Row”. Së dyti kam zgjedhur këto syze mahnitëse krijim i “Loewe” dhe të realizuara me një siluetë retro-moderne. Të fundit, por më të bukurat sipas mendimit tim, janë këto syze dielli nga “Chloé” të cilat të joshin me një shkëlqim të artë metalik.
Erdhi koha t’ju them se çfarë përdor gjatë një dite plazhi për fytyrën time. Në këtë çantë të vogël vendos produktet e mia për fytyrën. Kam zgjedhur këtë krem dielli nga “Soleil Toujours”. Me këtë krem të aplikuar në fytyrë ne mund të ikim nga aeroporti direkt në pishinë pa humbur kohë të vyer. Përputhet lehtësisht për tipa të ndryshme lëkure dhe gjithashtu i jep lëkurës një shkëlqim të ëmbël. Më pas kam zgjedhur këtë vaj trupi, i cili ushqen menjëherë lëkurën e thatë, e hidraton dhe gjithashtu mundëson shkëlqimin e fytyrës. Ky zbutës buzësh i “La Mer” qetëson menjëherë buzët e djegura, ka një aromë freskuese nenexhiku dhe një cilësi luksoze. Mbajeni përherë në çantën tuaj që të mos jeni kurrë pa të.
Jam një person që nuk jetoj dot pa parfum dhe për në plazh, kam vendosur të përdor këtë parfum veror nga “Jo Malone” i cili ka aromën karakterizuese të kripës minerale.
Kam përzgjedhur dhe një “pop blusher” nga “Charlotte Tilbury” i cili të jep një çehre natyrale rrezatuese. Gjithashtu kam zgjedhur dhe spërkatësin e flokëve nga “Sachajuan” që krijon onde të përkryera pasi dalim nga deti, i mbron nga dielli i fortë dhe përdoret lehtësisht me duar.
Ky buzëkuq nga “Nars” me ngjyrë paksa nude i lë buzët e hidratuara dhe të buta.
Tiranapost.al