Për ata që do shkojnë për ski apo edhe thjesht do bëjnë një foto në fshatin turistik me dëborë
Jemi ende të izoluar nga bota ama mund të shkojmë në Kosovë, në Dardhë, në vende me dëborë. Gjithkush ka nevojë për kostumin e skive, por ai s`është i vetmi që duhet në dëborë. Veç skive do bësh edhe foto dhe ka disa kombinime të lezetshme, në modë, të cilat si gjithmonë i zbulon në TIP, Emi.
E Martë 5 Janar 2021, 11:20
Emi Seiti
2020-ta mbaroi dhe 2021-shi erdhi. Të shpresojmë që të jetë më i mbarë dhe i bukur sesa viti që lamë pas. Të gjithë kanë preferenca të ndryshme se ku duan t`i kalojnë pushimet pas Vitit Të Ri, se duhen ca pushime pas pushimeve. Disa frekuentojnë vendet ekzotike dhe disa vendet e ftohta. Sot kam zgjedhur të flas për ato vajza që kanë dëshirë të ikin për të bërë ski, për natyrë e për foto në dëborë në këto ditë të para të vitit.
Të shkosh në një vend që ka dëborë dhe të mos të besh ski?! Hmm, paksa e çuditshme po më tingëllon. Gjithsesi ka shumë njerëz që shkojnë në vende me dëborë dhe nuk bëjnë ski, kështu që edhe nëqoftëse nuk jeni për të bërë ski jam e bindur se ka shumë restorante malore që mund t’ju ofrojnë orë të bukura.
SKI DAY:
Kjo pulovër nga “Cordova” është e inspiruar nga vitet ‘70 pasi shumë prej modeleve të “Cordova” kanë një ndjenjë retro. Një pulovër e rehatshme dhe e ngrohtë, e cila tek mëngët ka logon e markës dhe e bën më stil.
Pantallonat e skive të “Cordova” janë idealet për ju. Ato janë të veshura me një mbajtëse izoluese për t’ju mbajtur ngrohtë.
Bogner e di që pushimet alpine përfshijnë gjithçka, duke ecur në malet me dëborë deri tek skija, kështu që i bën stilet e çizmeve që t`i përshtaten çdo skenari. Këto çizme ‘Alta Badia” janë krijuar nga kamoshi dhe janë veshur me mbajtëse izoluese për të mbajtur këmbët tuaja ngrohtë.
Syzet e skive të “Dior” kanë fuqinë për të transformuar një pamje rastësore.
APRÈS SKI (Pas skive):
Kopsat me ngjyrën e arit të “Balmain” shfaqin në dukshmërinë më të mirë markën, lehtë mund të gabosh për logon e saj. Kjo pulovër është idealja pas skisë. Kam vendosur ta kombinoj me këto streçe nga “Perfect Moment” të cilat kanë fleksibilitet dhe komoditet. Ky stil është i përshtatshëm për t’ju mbajtur ngrohtë në temperaturat nën zero pasi janë me bel të lartë.
I specializuar për çizme, qëllimi i “Legres” është sqarimi në detajet edhe në stilet më klasike. Unë kam vendosur t`i vesh me streçe për të mos e bërë dhe aq serioze ‘Après Ski’.
Shalli i “Acne Studios” është i butë dhe aq i gjatë sa të mbështillet rreth qafës dy herë veçanërisht në ditët më të ftohta. Ngjyra e zezë e bënë të lehtë për t`u kombinuar me çdo veshje.
Për t`i shtuar paksa stilin veshjes kam zgjedhur dhe këto vëthë nga “Loren Stewart”.
Aksesori i fundit i kësaj veshjeje është kjo çantë e zezë e “Gucci”.
NIGHT LOOK (Look-u i darkës):
Pulovra e “Stella McCarteny” shkëlqen gjithnjë e më delikate në dritë. Është një pulovër e ngrohtë dhe e butë.
Kur bëhet fjalë për të investuar në një lëkurë të mirë, pantallonat e lëkurës së “Gucci” janë të parezistueshme. Ato janë me bel të lartë dhe të gjera në fund të këmbëve.
Palltoja ‘Labro’ e “Max Mara” është e përjetshme dhe elegante, duke e bërë atë një pjesë të mençur të investimeve ku do të ktheheni çdo dimër.
Këto çizme nga “Khaite” janë idealet për ato vajza të cilat nuk i duan takat e larta. Këto janë stil dhe mund të kombinohen më së miri me pantallonat e lëkurës.
Kjo çantë e “Balenciaga” është e krijuar nga lëkura e butë dhe është zbukuruar me një B të vetme për të treguar firmën. Idealja për darkat apo jo?
