Kombinohu me Emin

Unë pata fatin të udhëtoj jashtë Shqipërisë për një javë dhe vendosa të përdor gardërobën më së miri

Unë pata fatin të udhëtoj jashtë Shqipërisë

A ka ndonjë gjë më të mrekullueshme sesa të marrësh avionin në mes të pandemisë dhe të shkosh drejt një vendi që ti e do shumë si Italia për shembull?! Për një vajzë si unë që adhuron modën nuk mund të ketë udhëtim më të mirë sesa Firence. Shtëpia e arkitekturës së mahnitshme, e ushqimit fantastik, njerzëve të bukur dhe të veshur me stil. Italianët nuk thotë kot ua prishën mendjen botës, me pica, makarona dhe modë. Sigurisht që të kuptohemi isha me familjen time atje dhe përfitova nga udhëtimi i punës. Ne kemi një atelie në Tiranë dhe prej dekadash familja jonë udhëton dy a tre herë në vit nëpër fabrikat e Firences. Kam udhëtuar që fëmijë me mamin dhe kur thashë përrallë nuk e kisha kot.

Por unë e përdora edhe si moment për të bërë disa foto të bukura dhe për t’i postuar në Instagram. Për ty që do t’i shohësh më ndiq @emiseitaj. Sigurisht nuk e kam të hapur për këdo, por kur më japim besim i jap “okay”.

Kthehemi tek veshjet!

Çfarë të vishni në Itali?

Unë mendoj se duhet të fokusohuni tek ngjyrat netruale. Do t’ju duhen shumë. E zeza, blu e errët, e bardha, gri, bezha do funksionojnë gjithmonë pasi me këto ngjyra neutrale ju mund të krijoni pamje të ndryshme.

Unë pata fatin të udhëtoj jashtë Shqipërisë

Unë pata fatin të udhëtoj jashtë Shqipërisë

Veshja e parë do t’ju bëjë të dukeni bukur dhe stil. Këtë veshje e kam veshur në një ditë pune, ishte komode dhe idealja. Është kjo pulovër blu e errët nga “Gucci” e cila do të ishte perfekte për të qenë ngrohtë gjatë ditës që do ta kaloni jashtë. Më pas kam zgjedhur këto xhinse me bel të lartë nga “Toteme” të cilat janë tepër stil dhe ndryshe, ky xhins ka një blu kaq të rafinuar dhe i bën ato ideale për stilin e rrugës. Kam zgjedhur këto çizme nga “Karl Lagerfeld” të cilat janë kaq të rehatshme dhe sa herë që i vesh ndihem mirë. Këtë veshje kam zgjedhur ta shoqëroj me këtë xhaketë lëkure të zezë përsëri nga “Karl Lagerfeld”.

Kur dyshoni se çfarë të vishni dhe jeni me dy mendje, filloni mëngjesin tuaj me një shëtitje në qytet dhe doni të pini një “Cappuccino” të mirë në një lokal që të sjell (french vibes). Edhe sikur do të donit të shihnit një galeri arti ose ndonjë shfaqje më vonë në mbrëmje veshja ideale do të ishte kjo, pavarësisht se në këtë kohë pandemie nuk lejohet që të shkosh në këto vende, por gjithsesi nëqoftëse shkoni në Itali kjo veshje do t’ju duhet.

Unë pata fatin të udhëtoj jashtë Shqipërisë

Unë pata fatin të udhëtoj jashtë Shqipërisë

Unë pata fatin të udhëtoj jashtë Shqipërisë

Kjo pallto pana dhe gri, e cila është nga “T&N Couture” është e preferuara ime. Ky (turtleneck) ose ndryshe golf me mëngë treçerekshe nga “Burberry” është e ngrohtë dhe shkon tepër mirë me këtë pallto. Xhinset janë të njëjtat si më sipër. Çizmet e shiut kohët e fundit janë shumë në modë, edhe sikur të mos bjerë shi, influencueset apo blogeret e modës i kemi parë që i veshin shpesh. Ato janë trendi i këtij viti, (rain boots) nuk mund të vishen vetëm poshtë xhinseve, por edhe me fustane apo dhe funde, pantallona lëkure të shkurtra, ato mund të vishen në çdo sezon, më besoni. Unë kam vendosur t`i vesh poshtë xhinseve dhe kam zgjedhur këto nga “TwinSet”. Aksesori që kam zgjedhur për këtë veshje është kjo çantë e vogël me logo të dukshme e cila është nga “Fendi”. Një çantë kaq praktike dhe gjithashtu trendy. Dhe sigurisht në këtë veshje nuk mund të mungonin syzet e diellit pasi unë jam një fanse e zjarrtë e tyre. Kam zgjedhur këto nga “Dolce Gabbana”.

Në udhëtimin e dytë fluturova drejt Brukselit, një vend për njerëzit e apasionuar pas historisë dhe të dashuruarve pas çokollatave. Sigurisht, në të dyja udhëtimet nuk e kisha mundësinë për të shkuar dhe të parë gjëra të reja, si muzeumet apo edhe të ulesha diku për të ngrënë diçka. Kishte vetëm (take away) një gjë paksa e mërzitshme, por në të dyja qytetet e ndryshme që shkova u ndjeva sikur e zotëroja unë atë vend, çdo gjë ishte e imja, rrugët ishin vetëm të miat pasi nuk kishte njerëz.

Edhe nëse nuk keni plane dhe thjesht endeni nëpër qytet do të ndesheni me disa nga pikat kryesore të Brukselit. Brukseli është një qytet relativisht i vogël kështu që është e mundur që të shihen të gjitha brenda një dite. Të ecni rreth “Galeries Royales Saint-Hubert” mrekulloheni me bukurinë dhe luksin e atij vendi. Shihni statujat: Të fshehura në të gjithë qytetin janë disa statuja ikonike të vogla që duhet t`i shihni me se s`bën: Mannekin Pis, Zinneke Pis dhe Jeanneke-Pis. Ju padyshim do i shikoni të treja nëqoftëse e keni vëmendjen. Në këto vende unë vendosa të vishesha kështu: Kjo xhaketë e cila është nga “TN Couture” të cilën kam vendosur ta kombinoj me këtë (cashmere turtleneck) ngjyrë të zezë nga “Karl Lagerfeld” dhe me këto pantallona të zeza lëkure nga “Zara”. Më pas kam zgjedhur këtë kapelë nga “Max Mara” dhe aksesori i fundit mbeten të jenë syzet, kam zgjedhur këto ngjyrë të zezë dhe me një formë (cat-eye).

Unë pata fatin të udhëtoj jashtë Shqipërisë

Unë pata fatin të udhëtoj jashtë Shqipërisë

Ditën e dytë isha në “Leuven” një qytet studentor dhe tepër i këndshëm. Shihje o studentë, o të moshuar. Nuk kishte ndërtesa të mëdha, kishte vetëm shtëpiza të vogla dhe dukej fiks si përrallë.

Unë pata fatin të udhëtoj jashtë Shqipërisë

Njihuni me “Fons Sapientiae” (burim i mençurisë) në latinisht. Njeri i vogël dhe i çuditshëm që derdh ujë. Si një student i përjetshëm që simbolizon etjen e qytetit për dije, ai është më i dashuri ndër të gjitha statujat në Leuven.

Të gjithë vendasit e Leuevn mburren me bibliotekën kryesore të univerisitetit. Ai është përrallor. Në këtë ditë unë zgjodha të vishesha kështu: Një pulovër të ngrohtë ngjyrë pana, xhaketë lëkure, pantallon-fund i shkurtër i zi nga “Zara” dhe çizmet e shiut, dhe sigurisht kapelja, një aksesor që e zbukuroi veshjen.

Unë pata fatin të udhëtoj jashtë Shqipërisë

Unë pata fatin të udhëtoj jashtë Shqipërisë

Unë pata fatin të udhëtoj jashtë Shqipërisë

Me familjen vendosëm të vizitonim Luxembourg-un pasi nuk kishim qenë ndonjëherë. Në Luxembourg nuk kishe nevojë të shqetësoheshe për sigurinë, pasi është një ndër vendet më të sigurta në botë. Një vend multikulturor dhe shumëgjuhësh, ju do të befasoheni kur të dëgjoni aq shumë gjuhë të ndryshme që fliten në rrugë.

Në Luxembourg u vesha thjesht pasi mendova se do ishte çdo gjë mbyllur si në çdo vend tjetër, kisha marrë informacione që jo çdo gjë ishte mbyllur, por nuk i besoja. Dhe doli e vërtetë, Luxembourg-u ishte i vetmi vend që ishte hapur, madje çdo gjë. Maska nuk ishte me detyrim, lokalet ishin plot, rrugët ishin plot, dhe gjëja më e rëndësishme kishte vetëm njerëz të veshur bukur. Mendova se isha veshur shumë thjesht dhe pak a shumë ishte e vërtetë, aty kishte njerëz të veshur mirë dhe që e vlerësonin veshjen. Veshja ime ishte kjo: Xhinset kauboj të cilat nuk i ndaj asnjëherë nga trupi, një bluzë me mëngë të shkurtra, ngjyrë e zezë, një pallto e thjeshtë blu, çanta e zezë e përditshmja dhe syzet e zeza. Thjesht apo jo?!

Unë pata fatin të udhëtoj jashtë Shqipërisë

Unë pata fatin të udhëtoj jashtë Shqipërisë

Këto pra ishin 5 veshjet e mia gjatë këtyre dy udhëtimeve. Shpresoj t’ju kenë pëlqyer dhe do të kisha dëshirë të më pyesni për çdo gjë që do t’ju vinte në mendje kur të lexoni këtë artikull.

Më kontaktoni në inbox në adresën time në Instagram.