Nuk jeni të sigurta se çfarë të vishni dhe nuk doni as të kaloni orë të tëra duke parë dollapin tuaj për të zgjedhur fustanin ideal?
Atëherë, ju kujtojmë se çdo vajzë duhet të ketë një fustan të gjatë, të zi në dollapin e saj. Një fustan i zi simbolizon elegancën, thjeshtësinë dhe stilin. Ne mund të luajmë me aksesorët dhe të dukemi gjithmonë ndryshe. Është ikonë dhe i përjetshëm.
Fustani “Carlotta” nga “Three Graces London” është i punuar nga një lino shumë e lehtë, duke e bërë zgjedhjen ideale për ditët më të nxehta të verës.
Kam zgjedhur ta kombinoj këtë fustan me këtë çantë të zezë supi ose ndryshe (shoulder bag) nga “Jil Sander” e cila është e krijuar nga lëkura e butë dhe e prerë në një siluhetë të stilit kovë.
Ndërsa kjo kapele xhins nga “Jil Sander” me modelin “indigo-blue” është minimaliste dhe ideale për këtë veshje.
Këto (mule) nga Jil Sander, (se i përdorim termat në anglisht, por që në shqip u kemi thërritur papuçe), vijnë këtë stinë të rikonceptuara në lëkurë të zezë, me rrip bambuje te kyçi dhe me majë te pjesa e gishtërinjve. Takat elegante nxjerrin në pah pjesën më të bukur tek kjo veshje minimaliste.
Kam zgjedhur të vë dhe këtë byzylyk lëkure, nga “Bottega Veneta”, që ka këto spirale të cilat të japin idenë e gjarprit.
Aksesori i fundit i kësaj veshjeje janë vathët nga “Jil Sander”.
Ky fustan i “Jil Sander-it” do të ishte perfekt për një mbrëmje kokteji. Ai përbëhet nga sateni i zi me një prekje mëndafshi dhe ka një shkëlqim të mahnitshëm.
Po, pastaj si mund të dalim pa një çantë elegante si edhe vetë fustani? Çanta e Jil Sander-it, po ashtu, është e ndërtuar si një fizarmonikë, një model që nuk del asnjëherë nga moda.
Për pantofla kam zgjedhur përsëri të njëjtat si më sipër.
Për mendimin tim kësaj veshjeje mundemi t’i shtojmë dhe një palë vathë. I kam zgjedhur të zinj për të vetmen arsye sepse e bëjnë edhe më elegante këtë veshje, nga çmund të dukej me një palë vathë ngjyrë ari. Duhet të pranojmë se e zeza është ngjyra e elegancës.
Ky fustan nga “Loro Piana” i punuar në modelin “ribbed” , me shirita një të ngritur një të ulur dhe i krijuar me mëndafsh dhe pambuk ngjyrë blu të errët është ideali për një veshje të përditshme plot stil.
Kam zgjedhur këtë çantë supi ose ndryshe çanta që nuk duhet të mungojë asnjëherë në dollapin tuaj nga “Valentino Garavani” në ngjyrë blu të lehtë.
Ndërsa kjo kapelë nga “Saint Laurent” modernizon një pamje të frymëzuar nga stili kauboj.
Kam zgjedhur këto pantofla përsëri nga “Valentino Garavani” ngjyrë blu e ndezur për t’u afruar pak më shumë me ngjyrën e çantës.
Aksesori i fundit që kam zgjedhur për këtë kombinim janë këto syze dielli nga “Fendi” të cilat janë moderne dhe idealet për këtë veshje.
Tiranapost.al