Alarm për bombë në aeroportin “Adem Jashari” në Prishtinë
E Diel 26 Mars 2023, 21:59
TiranaPost
Një alarm për eksploziv ka pezulluar punën në aeroportin Adem Jashari të Prishtinës.
Autoritetet në Kosovë bëjnë me dije se janë njoftuar për një shpërthim të mundshëm.
Zëdhënësja e policisë, Flora Ahmeti ka thënë në mediat në Kosovë se janë marrë të gjitha veprimet për të menaxhuar situatën.
“Rreth orës 21:00 kemi pranuar informatën për dyshimet që ndërlidhen me një shpërthim të mundshëm në Aeroportin Ndërkombëtar Adem Jashari. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë Ahmeti.
