Arrestohet në Kosovë bashkëshorti i ish-ministres Besa Shahini
E Martë 12 Janar 2021, 14:46
TiranaPost
Kryetari i Partisë Socialdemokrate në Kosovë dhe njëkohësisht bashkëshorti i ish-ministres së arsimit Besa Shahini, Dardan Molliqaj është arrestuar sot nga policia e Prishtinës.
Arrestimi i tij është bërë gjatë protestës së Molliqaj dhe aktivistëve të tjerë të partisë Socialdemokrate para policisë së Kosovës për gjobat e vëna ndaj qytetarëve të cilët thyejnë rregullat anti-COVID.
Protestuesit kanë shkruar mbi muret e ndërtesës “Për partitë tubime, për qytetarët dënime”, si një mënyrë kundërshtimi për gjobat, ndërkohë që nuk merret asnjë masë për partitë politike të cilat kanë filluar fushatën elektorale për zgjedhjet e 14 shkurtit.