Federata e Tenisit e Kosovës reagon pas deklarateve të Novak Djokovic
E Martë 30 Maj 2023, 19:32
TiranaPost
Pas lojës me Aleksandar Kovacevic në French Open, tenistit serb, Novak Djokovic ka bërë një gjest të shëmtuar duke iu drejtuar kamerës me fjalët: “Kosova është zemra e Serbisë! Ndaleni dhunën”.
Kjo ka bërë që Federata e Tenisit e Kosovës të reagojë me anë të një deklarate, ku e quan këtë veprim si nxitje të dhunës në këtë moment delikat për Kosovën.
Deklarata e Federatës së Tenisit të Kosovës:
Komentet e bëra nga Novak Djokovic në fund të ndeshjes së Roland Garros ndaj Aleksandar Kovacevicit, deklaratat e tij në konferencën për shtyp pas ndeshjes dhe postimi i tij në Instagram përfaqësojnë një seri të thellë për keqardhje.
Novak Djokovic ishte tashmë autor i veprimeve të ngjashme në të kaluarën. Pavarësisht një mesazhi të përgjithshëm kundër dhunës, deklarata “Kosova është zemra e Serbisë” dhe deklaratat e mëtejshme pas ndeshjes, bërë nga një personazh i tillë publik, me rastin e një ngjarjeje mbarë botërore si ajo French Open, rezultojnë drejtpërdrejt në ngritjen e nivelit të tensionit mes të dyjave shteteve, Serbisë dhe Kosovës.
Federata e Tenisit e Kosovës vazhdon të rekomandojë fuqishëm sportistët dhe njerëzit e sportit të punojnë për paqen dhe të përmbahen nga keqpërdorimi i pozicionit të tyre në sport për qëllime politike.
