Foto/ Shpërthen bombola e gazit në një lokal në Kosovë, 31 të plagosur
E Martë 5 Janar 2021, 15:40
TiranaPost
Një ngjarje e rëndë raportohet të ketë ndodhur në Kosovë, ku 31 persona janë plagosur si pasojë e shpërthimit të një bombole në një lokal në Ferizaj.
Mediat në Kosovë tregojnë se mes të plagosurve janë dhe dy fëmijë.
Drejtori Rajonal i Policisë në Ferizaj, Emin Beqiri ka dhënë informacionet paraprake:
“Shpërthimi ka ndodhur dhe shkak dyshohet të jetë një bombolë gazi. Deri tani 31 persona janë të lënduar. Gjashtë nga to janë përcjellë për në Qendren Klinike Universitare të Kosovës ku dy nga të lënduari janë në gjendje të rëndë”.
Akoma nuk dihen shkaqet e shpërthimit, policia ka shkuar në vendin e ngjarjes.
*Tiranapost.al.