Nuk e besoja se koronavirusi ekzistonte, po ja ku jam tani që më zuri!
E Enjte 16 Korrik 2020, 16:22
TiranaPost
Në Spitalin rajonal të Vushtrisë në Kosovë, janë tetë pacientë të shtruar me simptoma të koronavirusit. Njëri prej tyre i cili është shtruar që ditën e shtunë ka treguar se para se të infektohej nuk e besonte se ekzistonte, duke u bërë kështu pjesë e teoricienëve konspirativë. Por tani ai është shtruar dhe dy nga shenjat me të cilat po përballet është problemi i frymëmarrjes dhe temperatura e lartë.
Për Klan Kosova ai ka treguar:
“Nga e shtuna jam kështu, tani jam pak më mirë. Me frymëmarrjen kam probleme prej tre ditësh. Armik i fshehtë ishte ky virus, nuk e kam besuar as unë se ekzistonte, por tani e besoj se më ka zënë”.
Sot në Kosovë u konfirmuan 123 raste të reja me koronavirus dhe 6 viktima. Në total Kosova ka 118 viktima.