Kosova

Presidenti Thaçi, të hënën në Hagë për t'u marrë në pyetje

Presidenti Thaçi, të hënën në Hagë për

Të hënën Presidenti i Kosovës, Hashim Thaçi, do të shkojë në Hagë për t’u intervistuar lidhur me aktakuzën e ngritur nga Prokuroria Speciale për krime lufte. Njoftimi u bë nga vetë Thaçi përmes një postimi në rrjetet sociale.

Kreu i shtetit shkruan se do të përballet me dinjitet dhe integritet ndaj kësaj sfide.

“Më lejoni të ndaj me ju se të hënën do të udhëtoj për në Hagë si i ftuar nga Prokuroria Speciale për t’u intervistuar. Deri sa bashkëluftëtarët e mi dhe unë do të përballemi me dinjitet dhe integritet me drejtësinë ndërkombëtare, ju ftoj që të bashkuar t’i përballojmë sfidat me të cilat po përballet vendi.

Uniteti qytetar, bashkëjetesa ndëretnike, stabiliteti institucional dhe besimi në institucione janë të domosdoshme që Kosova ta jetësojë vizionin që të jetë pjesë e NATO-s, Bashkimit Evropian dhe të ruajë miqësinë e përjetshme me Shtetet e Bashkuara të Amerikës”, shkruan presidenti Thaçi në Facebook.