Kosova

Ramush Haradinaj shpall kandidaturën për president të Kosovës

Ramush Haradinaj shpall kandidaturën për president të

Presidentit Hashim Thaçi i mbaron mandati presidencial në muajin shkurt të vitit që vjen dhe që tani kanë filluar diskutimet pë kandidaturat. Mësohet se Këshilli Drejtues i AAK-së ka propozuar ish kryeministrin Ramush Haradinaj për president. 

Lajmin e ka konfirmuar edhe ai vetë ku thotë se do donte të pasonte Hashim Thaçin në krye të shtetit. 

Në Facebook Ramush Haradinaj shkruan: 

Sot në takimin me strukturat udhëheqëse të Aleancës, u diskutuam për zhvillimet politike dhe qeverisëse në vend, me theks të veçantë tek menaxhimi i pandemisë, rimëkëmbja ekonomike, dialogu Kosovë-Serbi dhe mbarëvajtjen e koalicionit qeverisës.
Aleanca qëndron fuqishëm në përkrahjen e menaxhimit efektiv të pandemisë, duke përkrahur bizneset dhe lirinë e lëvizjes së qytetarëve, me masa të propozuara nga ekspertët shëndetësor.
Gjithashtu në dialogun me Serbinë, ne jemi për marrëveshje që sjell njohjen në kufijtë ekzistues, duke ruajtur karakterin unitar të Kosovës së 17 shkurtit.
Ne jemi kundër dialogut teknik, i cili për më shumë se një dekadë i ka shkuar në favor vetëm Serbisë, duke e lënë Kosovën të izoluar.
Falënderoj Këshillin Drejtues, për besimin e tyre, për autorizimin që me dhanë, që në emër të Aleancës të zhvilloj bisedimet eventuale për rikonfigurimin e qeverisë, përfshirë këtu edhe çështjen e presidentit. Besimin që unë të jem kandidat për president, nëse kjo diskutohet në bazë të kushtetutës, e konsideroj si përgjegjësi të lartë dhe nder të veçantë. RH