Kosova

Reagim i madh në rrjet për arkitektin që kandidon nën logon e LDK për Prishtinën

Reagim i madh në rrjet për arkitektin që kandidon nën logon

Kreu i LDK-së, Lumi Abdixhiku ka shpallur tashmë zyrtarisht kandidaturën e arkitektit tejet të suksesshëm, Përparim Rama për postin e kryetarit të Bashkisë së Prishtinës nën logon e këtij subjekti politik.

Rama ka qenë pjesë e përgatitjeve për Lojërat Olimpike Londër 2012 dhe e shumë projekteve në New York, Pragë dhe qendra të tjera urbane të rëndësishme, është lektor në Universitetin e Nottingham dhe Universitetin “East London” dhe anëtar i Asosacionit të Arkitektëve të Britanisë.

Ai është baba i tre fëmijëve dhe lista me arritjet e tij është aq e gjatë, sa dhe gazetari Berat Buzhala i njohur për ironinë dhe kritikat e tij përkundrejt personazheve publike e ka përshëndetur nominimin si një diçka “fantastike”.

“Fantastike per te gjithe ata qe kerkojne normalitet dhe kreativitet ne Prishtine. Perparimi nuk ka me i permbushe ata qe kerkojne bagera, qe kerkojne drame dhe lufte, ama Perparimi ka me qene i mire per te gjithe ata qe vertet kerkojne qe Prishtina me dale prej ketij qorrsokaku.

Prishtina ka nevoje per arkitekt.”- shkruan Buzhala.

Kandidimi i Përparim Ramës ka xheneruar shumë interes në rrjetet sociale, teksa me mijëra njerëz kanë komentuar lajmërimin, pjesa dërrmuese për mirë.

Reagim i madh në rrjet për arkitektin që kandidon nën logon

Statusi ku lajmërohet kandidatura e Ramës:

Ju njoftoj me kandidatin e LDK-së për Prishtinën.

Përparim Rama është arkitekti e urbanisti më i njohur shqiptar - i vlerësuar me çmime ndërkombëtare gjithandej nëpër botë. Përvoja e jashtëzakonshme e tij me punë në Londër tash e sa vjet e bën Përparimin një aset nacional të vendit; një përfaqësues të denjë të komunitetit profesional e shoqërisë në përgjithësi - brenda e në diasporë padallim.

I njohur për angazhimin e tij kryesor në planifikim hapësinor të Lojrave Olimpike në Londër në vitin 2012; për angazhimin e tij në ndërtimin e vizionit të Doha’s, kryeqytetit të Katarit; për projekte madhore në New York, Dublin, Bazel, Pragë e deri në Damask të Sirisë - Rama i Prishtinës mbanë një bagazh mbresëlënës të shenjave që i mbijetojnë kohës.

Tani ka ardhë koha që ecjen e tij nëpër botë ta ndërpresim; e këtë bagazh të madh të tij ta kthejmë në qytetin e tij e tonin - në Prishtinë. Ky vend bëhet mirë kur më të mirët japin veten. Përparimi është i tillë.

Gjatë muajve të fundit kam takuar Përparimin disa herë. Kemi folur shtruar e qartë për problemet më bazike të Kryeqytetit. Për ngulfatjen, ndotjen, ngarkesën e për dhënien e shpirtit të qytetit - të pamjes e përvojës, të hapësirës e komunitetit, të organizimit të vet jetës - të ndërtimit të Prishtinës në qytetin që e duam të gjithë. Kam qenë i mahnitur jo vetëm me dashurinë e tij ndaj Kryeqytetit por edhe me zgjidhjet e tij për problemet tona më bazike. Përparimi ka vizionin që e kërkojmë tash e sa kohë. Jam i bindur se do ta pranoni këtë vizion.

Kemi folur dhe për LDK-në e rrugëtimin që duam të ndërtojmë përpara. Bindjet e tij politike e ideologjike, me gjithë vullnetin e tij të madh për ndryshim, kanë kryqëzuar rrugët tona. Si profesionist i fushës, si emër ndërkombëtar, si aset i Prishtinës, kandiditimi i tij për Kryetar të Kryeqytetit është përputhje natyrale e vizioneve tona.

Pas autorizimeve që kam marrë nga degët tona, javën që vjen do t’i propozojë nominimin e tij Kryesisë sonë. Menjëherë më pas do të ndërtojmë e prezantojmë edhe ekipin për qeverisje e për asamble. Nga aty do të ndërtojmë e prezantojmë zgjidhjet më praktike të problemeve më kronike të qytetarëve tanë - një model krejt ndryshe deri më tani. Secili banorë i secilës lagje të kryeqytetit do të gjejë veten në këtë model. Fjalët boshe e zhurmat politike do të duken siç edhe vërtetë janë - të thata.

Përparim Rama, i lindur në Prishtinë, me prejardhje nga Gollaku, mbanë titullin magjistër shkence në fushën e urbanizmit e arkitekturës. Është edhe ligjerues në univeristete të ndryshme botërore; ndër të tjerash në ‘Nottingham University School of Architecture’ e në ‘University of East London’. Është anëtar i Associacionit të Arkitektëve të Britanisë. Është i martuar me Kristale Rama dhe ka tre fëmijë.

Përparimi i Prishtinës është edhe përparimi jonë që e kërkojmë tash e sa kohë. Qytetit po i japim një Kryetar që i jep shkëlqimin që e meriton; e LDK-së rikthimin e madh.

#PR4PR

Tiranapost.al