Aksident i rëndë te Bishti i Zhurit me një viktimë
E Enjte 4 Gusht 2022, 12:17
TiranaPost
Një aksident i rëndë ka ndodhur sot në vendin e quajtur Bishti i Zhurit. Një kamion ka shkatërruar thuajse tërësisht një automjet tip Bez C Class. Si pasojë ka humbur jetën një 27 vjeçar me iniciale F.M.
Nxjerrja e trupit të viktimës nga mjeti është i vështirë, pasi përplasja ka qenë e fortë, ndërsa grupi hetimor ndodhet në vendngjarje dhe po punon për sqarimin e rrethanave të aksidentit.
Njoftimi i Policisë:
Në lidhje me aksidentin e ndodhur ditën e sotme, në vendin e quajtur “Bishti i Zhurit”, ku mjeti kamion me drejtues shtetasin I. C. u përplas me mjetin tip “Benz” me drejtues shtetasin F. M., 27 vjeç, ju informojmë se si pasojë e aksidentit drejtuesi i mjetit tip “Benz” ka humbur jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
