Kronikë e zezë

Vetëvritet me armë një 33-vjeçare në Tiranë, nis hetimi për 4 persona: Fshehën provat

Vetëvritet me armë një 33-vjeçare në Tiranë, nis

Një 33-vjeçare në Tiranë i ka dhënë fund jetës duke u vetëvrarë me armë zjarri. Policia raporton se ngjarja ka ndodhur në rrugën “Ali Shefqeti” në Shkozë në banesë. Policia thotë se 33-vjeçarja me inicialet M.H. ishte në gjendje të rënduar psikologjike.

Ndërkohë policia ka nisur hetimet në gjendje të lirë për 4 persona, të afërm, që sipas bluve dyshohet se kanë prishur vendngjarjen dhe kanë fshehur armën me të cilën M.H. kreu vetëvrasjen.

Të proceduarit janë; Xh.L., 26 vjeçe, S.H., 57 vjeçe, E.L., 32 vjeç dhe D.G., 56 vjeç. Materialet i kaluan Prokurorisë së Rrethit Gjyqësor Tiranë, për veprime të mëtejshme.