Ngjarje e rëndë në Elbasan/ Vret bashkëjetuesen, në kërkim 37-vjeçari
E Shtunë 30 Korrik 2022, 08:35
TiranaPost
Një ngjarje e rëndë ka ndodhur mëngjesin e kësaj të shtunë në Elbasan, në lagjen “Skënderbej”.
37-vjeçarja me inicialet J.E është goditur me thikë dhe ka humbur jetën si pasojë e plagëve të marra. I dyshuar për këtë ngjarje është bashkëjetuesi i saj, i identifikuar si R.M, 37 vjeç.
R.M është shpallur në kërkim. Shërbimet e Policisë janë vënë në ndjekje të autorit dhe vijon krehja e zonës për kapjen e tij.
Grupi hetimor nën drejtimin e Prokurorisë po punon për zbardhjen dhe sqarimin e rrethanave të ngjarjes.
