Kronikë e zezë

Vriten tre persona me armë në Fushë-Krujë. Makina e tyre u qëllua teksa ishte në lëvizje

Vriten tre persona me armë në Fushë-Krujë. Makina e tyre u

Tre persona janë vrarë në një atentat në mbikalimin e Fushë Krujës. Mesditën e e sotme është qëlluar me armë zjarri kallashnikov në drejtim të një makine në lëvizje që për pasojë ka marrë flakë. Sipas njoftimit të policisë dy persona kanë mbetur brenda në makinë dhe janë djegur nga flakët.

Ndërsa njëri prej viktimave ka arritur të dalë nga automjeti, por nuk ka arritur t’u mbijetojë plagëve.

Policia ka rrethuar vendin e ngjarjen dhe po punon për gjetjen e autorëve.

Ende nuk dihen motivet.

Njoftimi i Policisë

Në aksin rrugor Fushë Krujë-Thumanë, te mbikalimi i Fushë Krujës, dyshohet se në drejtim të një automjeti tip “Volswagen Passat” është qëlluar me armë zjarri.

Si pasojë automjeti ka marrë flakë dhe janë djegur në automjet dy shtetas ende të pa identifikuar.


Gjithashtu, nga të shtënat ka mbetur i vrarë dhe shtetasi D. V., 30 vjeç, nga Fushë Mamurrasi, i cili ka qenë pasagjer por ka mundur të dalë nga automjeti, dhe ka humbur jetën sapo ka dalë prej tij.

Në vendngjarje ndodhet grupi hetimor dhe forca të shumta Policie.

Nga krehja e zonës, në Larushkë, është gjetur duke u djegur një automjet tip “Volswagen Passat” që dyshohet se është i autorëve.
Në brendësi të automjetit eshte konstatuar një armë zjarri automatike që dyshohet se është përdorur nga autori/ët për të kryer krimin.


Në ndihmë të Policisë vendore kanë shkuar grupe të FNSh Tiranë dhe janë ngritur pika kontrolli nga DVP Tiranë e Lezhë.

Grupi hetimor nën drejtimin e Prokurorisë së Rrethit Gjyqësor Krujë, po punon për identifikimin e dy shtetasve të djegur në automjet dhe për sqarimin e rrethanave të ngjarjes, sekuestrimin e cdo prove të vlefshme që do ti shërbejë zbardhjes së ngjarjes dhe identifikimit të autorëve.