Airbnb të ofron mundësinë për të jetuar kudo, falas për një vit. Si të aplikosh?
Airbnb po kërkon 12 njerëz për të jetuar në pronat e vetë kompanisë kudo nëpër botë për plot një vit. Frymëzuar nga kërkesa në rritje për fleksibilitet për të punuar nga kudo që dëshiron, Airbnb ka njoftuar fillimin e programit ‘Live Anywhere on Airbnb’.
Ideja është që 12 individët me deri në tre shoqërues secili do jenë në gjendje të jetojnë ekskluzivisht në pronat e Airbnb për afërsisht një vit. Kompania po kërkon grupin e personave që të marrin pjesë nga korriku 2021 deri në korrik 2022, me programin që është i hapur për këdo nga familjet e reja deri tek udhëtarët solo.
Sikur kjo të mos mjaftonte, ata do mbulojnë koston e akomodimit dhe ndihmë transporti për kohëzgjatjen e programit. Ata thjesht kërkojnë që pjesëmarrësit të ndajnë përvojat e tyre me ta, për të ‘ndihmuar në informimin mbi azhurnimet dhe inovacionet e ardhshme’ të Airbnb. Pjesëmarrësit thjesht do duhet të tregojnë se si ishte jeta e tyre dhe si mund të përmirësohet.
Sipas Raportit të Airbnb për Udhëtimin dhe Jetesën, 74% e atyre që u anketuan në pesë vende të ndryshme shprehën interesin për të jetuar diku tjetër pas pandemisë përveç vendit ku jeton punëdhënësi i tyre.
Nëse jeni të interesuar, aplikacionet për programin Live Anywhere në Airbnb do jenë të hapura deri më 30 qershor 2021- thjesht klikoni në faqen e internetit të Airbnb. 12 pjesëmarrësit do të zgjidhen nga një panel i intervistuesve në korrik dhe do të fillojnë të udhëtojnë në shtator.
*Tiranapost.al.