Avokati i Diego Maradonës ngre dyshime për vdekjen e tij: Është e pashpjegueshme që për 12 orë shoku im nuk kishte përkujdesje
Bota humbi dje një nga legjendat e futbollit, Diego Maradonën, fjalët e të cilin ishin drejtuar nipit të tij se nuk ndihej mirë, para se të pësonte atak kardiak. Ai kishte dalë nga spitali vetëm 2 javë më parë, pas një operacioni në tru për shkak të një trompoze, ndërsa në shtëpinë e tij qëndronte stafi mjekësor.
Të afërmit e tij kanë ngritur dyshime se nëse mund të veprohej me shpejtësi, Maradona sot mund të ishte ende gjallë.
Kunati, njëkohësisht dhe avokati tij, Matias Marlo, kërkon që të fillojnë hetime mbi vdekjen e legjendës së futbollit, ndërsa me një postim në Tëitter shkruan se në 12 orët e fundit të Maradonës ai ka qenë në gjendje të rëndë shëndetësore dhe kur është njoftuar ambulanca, ka ardhur me gjysmë ore vonesë.
“Sa i përket raportit të Prokurorisë Publike të San Isidro, është e pashpjegueshme që për 12 orë shoku im nuk kishte përkujdesje ose kontrolle nga personeli shëndetësor i dedikuar për këto qëllime. Ky fakt nuk duhet të neglizhohet dhe unë do të kërkoj që pasojat e kësaj vdekje të hetohen deri në fund”, shkruan Marlo.
Ai ka publikuar dhe mesazhin e fundit të Maradonës: “Ti je ushtari im, vepro pa mëshirë”. Dhe më pas lamtumirën për mikun e tij: “Sot është një ditë dhimbjeje e thellë, trishtimi dhe reflektimi. Ndiej në zemrën time largimin e mikut tim, të cilin e kam nderuar me besnikërinë dhe mbështetjen time deri në ditët e fundit të tij.
Maratona u nda nga jeta mëngjesin e djeshëm në moshën 60-vjeçare.