Lajme nga Bota

Benedikti ndryshon deklaratën, pranon që ka marrë pjesë në takimin ku u diskutua për një prift abuzues në vitin 1980, në Mynih

Benedikti ndryshon deklaratën, pranon që ka marrë pjesë

Ish Papa Benedikti XVI ka pranuar që ka qenë prezent në një takim të bërë në vitin 1980 ku u diskutua për një prift që abuzonte me fëmijët, duke hedhur poshtë mohimin e tij të mëparshëm të cilin e konsideroi si "një gabim në redaktimin e deklaratës së tij".

Një hetim i pavarur për abuzimin nga kleri katolik në Kryedioqezën e Mynihut, ku Benedikti ishte kryepeshkop nga viti 1977 deri në vitin 1982, u hap javën e kaluar.

Sekretari privat i Benediktit i hodhi poshtë akuzat. Ndërkohë ditën e sotme në një deklaratë për Agjencinë Katolike të Lajmeve ishte po sekretari i tij, Kryepeshkopi Georg Gänsëein, i cili tha se gabimi "nuk ishte bërë me qëllim keqdashës", por ishte "rezultat i një gabimi në redaktimin editorial të deklaratës së tij për hetimin e pavarur të porositur nga Kryepeshkopata e Mynihut-Freising”.

Atij i vjen "shumë keq" për këtë dhe kërkon falje, tha Gänsëein.

Benedikti, tani 94 vjeç, u bë Papa i parë ndër shekuj që dha dorëheqjen në vitin 2013, shoqëruar me disa skandale të tjera, më i fundit ky sipas të cilit dështoi për të parandaluar dhe ndëshkuar abuzimin seksual të katër fëmijëve nga një prift.