Lajme nga Bota

Ekzekutimi i parë me vdekje pas 17 vitesh në Amerikë

Ekzekutimi i parë me vdekje pas 17 vitesh në Amerikë

Pas 17 vjetësh, qeveria amerikane kreu ekzekutimin e parë me vdekje. Ekzekutimi i të burgosurit Daniel Lewis Lee u krye pas vendimit të Gjykatës së Lartë sot në mëngjes që rrëzonte urdhrin e një gjykate më të ulët për tre ekzekutime të planifikuara për këtë javë dhe një tjetër të caktuar për muajin e ardhshëm.

Zëri i Amerikës tregon se Lee u ekzekutua me një dozë qetësuesi të fuqishëm, pentobarbital, në një burg federal të shtetit Indiana, pak orë pasi gjykata shpalli vendimin.

Ekzekutimi i parë me vdekje pas 17 vitesh në Amerikë

Ai ishte shpallur fajtor për vrasjen e një familjeje prej tre anëtarësh, përfshirë një vajzë 8-vjeçare, në vitin 1996.

Ekzekutimi i parë me vdekje pas 17 vitesh në Amerikë

Lee duhej të ekzekutohej të hënën, por disa orë para se kjo të ndodhte, një gjykatës federal lëshoi një urdhër paraprak me arsyetimin se gjykatave duhet t’u lihej më shumë kohë për të shqyrtuar nëse metoda e ekzekutimit shkelte masat mbrojtëse kushtetuese kundër dënimeve mizore dhe të pazakonta.

Avokatët argumentuan se pentobarbitali mund të shkaktojë një lloj stresi të frymëmarrjes me ndjesinë e mbytjes.

Shumica e Gjykatës së Lartë (5-4) e hodhi poshtë këtë argument, duke thënë se pentobarbitali ishte miratuar nga shtetet që kryejnë ekzekutimet e tyre dhe se më shumë se 100 njerëz janë ekzekutuar me këtë mënyrë, pa ndonjë incident.

Ekzekutimi i Wesley Ira Purkey është caktuar për ditën e mërkurë, i ndjekur nga ekzekutimi i Dustin Lee Honken të premten. Keith Dwayne Nelson është planifikuar të ekzekutohet më 28 gusht.

Që nga rivendosja e dënimit me vdekje në vitin 1988, qeveria federale kishte ekzekutuar deri tani tre persona në vitin 2003.