Foto/ Tërmet i fuqishëm në Indonezi, të paktën 67 të vdekur
Të paktën 67 persona kanë humbur jetën dhe qindra të tjerë janë plagosur si pasojë e një tërmeti të fuqishëm 6.2 të shkallës Rihter që goditi sot Indonezinë.
Epiqendra e tërmetit, ishte gjashtë kilometra (3.7 milje) në verilindje të qytetit të Majene dhe me thellësi prej 10 kilometrash (6.2 milje), sipas Agjencisë Meteorologjike, Klimatologjike dhe Gjeofizikës të Indonezisë.
Në Majene, të paktën 637 u plagosën dhe 15,000 banorë janë zhvendosur, sipas Bordit Kombëtar të vendit për Menaxhimin e Fatkeqësive (BNPB). Mijëra banorë u larguan nga shtëpitë e tyre për të kërkuar siguri pas tërmetit, i u ndje për pesë deri në shtatë sekonda dhe ka dëmtuar të paktën 300 shtëpi në Majene.
Ndërkohë sipas ekipeve lokale të kërkimit dhe shpëtimit, shumë njerëz janë ende të bllokuar nën ndërtesa të shembura.
Artikulli i marrë nga The Guardian, përkthyer dhe përshtatur në shqip nga Tiranapost.al.