Kërpudhat mund të jenë duke ruajtur sekretin e të ardhmes tonë
E Martë 6 Qershor 2023, 10:34
TiranaPost
Një rrjet i gjerë nëntokësor i kërpudhave do të ndihmojë në shpëtimin e planetit
Revista shkencore Cell Press sapo ka publikuar një studim novator që zbulon se një grup kërpudhash të njohur si mikoriza tërheqin dhe ruajnë më shumë se 13 milion ton dioksid karboni në vit. Kjo është pothuajse sa prodhimi vjetor i gazit serrë të Kinës dhe SHBA- së së bashku.
Kina, SHBA dhe India janë ndotësit kryesorë të globit.
Kërpudhat përbëjnë një rrjet të gjerë nëntokësor në të gjithë planetin nën kullota dhe pyje, si dhe rrugë, kopshte dhe shtëpi në çdo kontinent të Tokës.
Tashmë besohej gjerësisht se kërpudhat mikorizale mund të ruanin karbonin, pasi kërpudhat formojnë marrëdhënie simbiotike me pothuajse të gjitha bimët tokësore dhe transportojnë karbonin, të shndërruar në sheqerna dhe yndyrna nga bima, në tokë. Por deri më tani nuk dihej shkalla e vërtetë e sasisë së karbonit që kërpudhat ruanin.
Zbulimi i një ekipi shkencëtarësh, duke përfshirë studiues nga Universiteti i Sheffield, se kërpudhat po ruajnë çdo vit më shumë se një të tretën e karbonit të krijuar nga emetimet e karburanteve fosile, tregon se mund të jetë vendimtar pasi kombet kërkojnë të trajtojnë ndryshimet klimatike dhe të arrijnë zero neto.
Gjetjet, zbuluan se rreth 13.12 gigaton CO2 transferohet nga bimët te kërpudhat çdo vit, duke e transformuar tokën nën këmbët tona në një pishinë masive karboni dhe njësinë më efektive të ruajtjes së karbonit në botë.
Emetimet në mbarë botën të CO2 nga djegia e lëndëve djegëse fosile janë rreth 34 miliardë tonë metrikë në vit.
Studiuesit tani po bëjnë thirrje që kërpudhat të merren parasysh në politikat e biodiversitetit dhe ruajtjes, duke pasur parasysh rolin e tyre vendimtar në uljen e emetimeve të karbonit.
