Lajme nga Bota

Kisha Katolike Portugeze do të kompensojë financiarisht viktimat e abuzimit seksual nga priftërinjtë

Kisha Katolike Portugeze do të kompensojë financiarisht viktimat e

Kisha Katolike e Portugalisë ka njoftuar se do të kompensojë financiarisht viktimat e dhunës seksuale brenda kishës dhe se shumat do të përcaktohen rast pas rasti

Një raport i shkurtit 2023, i financuar nga Kisha, arriti në përfundimin se të paktën 4,815 fëmijë ishin abuzuar seksualisht gjatë shtatë dekadave, kryesisht nga priftërinjtë.

Autorët e atij raporti theksuan se këto rezultate janë vetëm “maja e ajsbergut” dhe presidenti i komisionit, Pedro Strech, shtoi se më shumë se njëqind priftërinj të dyshuar për abuzim janë ende në detyrë brenda Kishës.

Një muaj më vonë, kisha njoftoi një sërë hapash për të luftuar abuzimin seksual, por u kritikua sepse hapat nuk u konsideruan mjaft të fortë.

Antonio Grosso, bashkëthemelues i një grupi që bashkon viktimat e abuzimit nga anëtarët e Kishës Katolike Coracao Silenciado, kritikoi qasjen.

“Unë nuk e di se çfarë njësi matëse do të përdorin për të matur vuajtjen njerëzore.” Njerëzit do të duhet të tregojnë përsëri historitë e tyre për të parë nëse meritojnë pak a shumë cent”, tha ai për Reuters, duke argumentuar se të gjitha viktimat duhet të marrin të njëjtën shumë.