Kremlini mohon se ka patur bisedë telefonike midis Trump dhe Putin: Trillime
E Hënë 11 Nëntor 2024, 12:41
TiranaPost
Kremlini ka mohuar raportimet se presidenti rus, Vladimir Putin, ka folur me presidentin e zgjedhur të SHBA-së, Donald Trump.
Washington Post raportoi se një telefonatë kishte ndodhur, duke cituar burime të paidentifikuara dhe tha se Trump i kishte thënë Putinit se ai nuk duhet të përshkallëzojë luftën në Ukrainë.
“Është krejtësisht e pavërtetë. Është trillim i pastër, është thjesht informacion i rremë”, tha zëdhënësi i Kremlinit Dmitry Peskov kur u pyet për telefonatën. “Nuk ka pasur asnjë bisedë.”
“Ky është shembulli më i dukshëm i cilësisë së informacionit që po publikohet tani, ndonjëherë edhe në media mjaft me reputacion”, tha Peskov.
Peskov shtoi se Putin nuk kishte plane specifike për të folur me Trump për momentin.
