Kremlini tregon se kur do të përfundojë konflikti në Ukrainë
E Premte 11 Mars 2022, 22:21
TiranaPost
Konflikti në Ukrainë do të përfundojë kur Perëndimi të vendosë të ndërmarrë veprime lidhur me shqetësimet e Rusisë për vrasjen e civilëve të saj në Ukrainën lindore dhe zgjerimin e NATO-s në lindje, ka pohuar një zëdhënës i Kremlinit.
“Rusia formuloi kërkesa konkrete ndaj Ukrainës për të zgjidhur këto çështje. Me sa kuptojmë, këto kërkesa janë duke u diskutuar nga ukrainasit me këshilltarët e tyre, në radhë të parë SHBA-të dhe vendet e BE-së”, tha ai.
"Le te shpresojme. Atëherë gjithçka do të marrë fund.”
Zyrtarët rusë nuk e përdorin fjalën "pushtim" dhe thonë se mediat perëndimore kanë dështuar të raportojnë për atë që ata e cilësojnë si "gjenocid" të njerëzve rusishtfolës në Ukrainën lindore. Perëndimi i ka hedhur poshtë vazhdimisht shqetësimet e tilla.
Presidenti rus Vladimir Putin ka pohuar vazhdimisht se "operacioni ushtarak special" në Ukrainë është thelbësor për të garantuar sigurinë ruse pasi SHBA zgjeroi anëtarësimin në NATO deri në kufijtë e Rusisë dhe mbështeti liderët properëndimorë në Kiev.
“Ne gjatë tetë viteve të fundit jemi përpjekur vazhdimisht t'u kërkojmë kolegëve tanë perëndimorë që të bëjnë presion mbi Kievin - dhe ta detyrojnë Kievin - të ndalojë vrasjen e njerëzve të tij në Donbas dhe të përmbushë marrëveshjet e Minskut, shtoi Peskov.
“Gjithashtu, gjatë disa dekadave të fundit, vendi ynë ndihet në rrezik pasi ju e zhvendosët infrastrukturën tuaj ushtarake në drejtimin tonë. Nuk na pëlqen dhe ndihemi në rrezik dhe nuk mund t'i mbyllim sytë para kësaj: pse po e bëni? Nuk kishte përgjigje.”
Tiranapost.al
