Lufta në Ukrainë: Zhvillimet më të rëndësishme të ditës
E Mërkurë 23 Mars 2022, 18:22
TiranaPost
Përditësimet më të fundit:
NATO do të vendosë katër grupe të reja beteje në Bullgari, Hungari, Rumani dhe Sllovaki për të forcuar krahun lindor të aleancës dhe për të penguar Rusinë, thotë Jens Stoltenberg.
Në një fjalim në parlamentin francez , presidenti i Ukrainës Zelenskyy u ka bërë thirrje kompanive franceze që ende operojnë në Rusi që të largohen nga "makineria e luftës".
Presidenti Biden tha se ekzistonte një "kërcënim real" i përdorimit të armëve kimike nga Rusia ndërsa ai u largua për të udhëtuar në Evropë.
Kremlini tha se Putin nuk i kishte arritur “ende” qëllimet ushtarake dhe refuzoi të përjashtonte përdorimin e armëve bërthamore.
Kina ka thënë se është kundër përjashtimit të Rusisë nga samiti i ardhshëm i G20. "Asnjë anëtar nuk ka të drejtë të dëbojë një vend tjetër," tha një zëdhënës diplomatik.
Ministria e Punëve të Jashtme të Bjellorusë njoftoi se shumica e diplomatëve ukrainas do të dëbohen nga vendi pasi akuzoi Kievin për ndërhyrje në punët e brendshme.
