Lajme nga Bota

Mes qirinjve, Biden dhe Harris mbajnë një minutë heshtje për ata që nga Covid-i dhanë frymën e fundit në Amerikë

Mes qirinjve, Biden dhe Harris mbajnë një minutë heshtje për

Joe Biden me bashkëshorten dhe Kamala Harris me bashkëshortin mbajtën një minutë heshtje rrethuar nga qirinjtë, në shkallët e Shtëpisë së Bardhë. Amerika ka humbur më shumë se 500 mijë njerëz nga Covid-19 dhe kjo ceremoni u mbajt në nderin e jetëve të humbura.

Biden dhe Harris u kërkuan edhe njerëzve të thjeshtë t`u bashkoheshin nga shtëpitë e tyre.

Presidenti i Shteteve të Bashkuara bëri thirrje për uljen e flamujve në gjysmështizë në çdo institucion, për pesë ditët e ardhshme, pasi numri i viktimave po shtohet ndjeshëm.

“Dëgjojmë shpesh termin ‘amerikanë të zakonshëm’, s`ka asgjë të zakonshme. Njerëzit që ne humbëm janë të jashtëzakonshëm, ata përfshinin breza të tërë, të lindur në Amerikë apo të ardhur në Amerikë përmes emigrimit. Ata e dhanë frymën e fundit në Amerikë”, tha Biden.

Situata në Amerikë po shkon gjithsesi drejt normalizimit, kjo dalë vaksinës. Rreth 12% e popullsisë është vaksinuar me të paktën një dozë dhe rreth 5% i kanë marrë të dyja dozat.

*Artikulli i New York Times u përshtat në shqip nga Tiranapost.al