Moska e gatshme për të vazhduar bisedimet me Kievin
E Hënë 23 Maj 2022, 11:08
TiranaPost
Negociatori rus Vladimir Medinsky tha të dielën se Moska ishte gati të rifillonte bisedimet e paqes me Ukrainën, duke fajësuar Kievin për pezullimin e tyre.
"Nga ana jonë, ne jemi të gatshëm të vazhdojmë dialogun," tha Medinsky, një këshilltar i Kremlinit i cili ka qenë në bisedime me Ukrainën, në një intervistë për Televizionin Publik bjellorus.
“Ngrirja e bisedimeve u bë ekskluzivisht me iniciativën e Ukrainës”, shtoi ai. "Rusia nuk ka refuzuar kurrë të negociojë."
Presidenti ukrainas, Volodymyr Zelensky, në një bisedë telefonike me Mario Draghin të shtunën mbrëma, tha se bisedimet do të zhvillohen vetëm kur Ukraina të rimarrë territoret që Rusia i kishte marrë që nga fillimi i luftës, duke sqaruar se "vendi nuk është ende gati për një proces të vërtetë paqeje".
Negociatat filluan pasi forcat ruse hynë në Ukrainë më 24 shkurt, por nuk ishin në gjendje të pushtonin shpejt kryeqytetin. Ministrat e jashtëm të të dy vendeve u takuan në Turqi në mars, pas së cilës delegacionet zhvilluan bisedime në Stamboll, por pa sukses.
Tiranapost.al
