Nisi nga mosmbajtja e maskës. Macron i shokuar nga videoja ku tre policë dhunojnë muzikantin me ngjyrë
Presidenti francez Emmanuel Macron është shokuar nga pamjet ku tre policë dhunojnë një prodhues muzike me ngjyrë në Paris. Këtë shkruajnë mediat franceze për ngjarjen e ndodhur me videon që po xhiron në rrjet. Presidenti Macron nuk ka reaguar publikuar publikisht për ngjarjen por sipas mediave ai e ka diskutuar çështjen me ministrin e brendshëm Gerald Darmanin dhe ka thënë se është shokuar nga ajo që ka parë.
Tre oficerët e identifikuar përmes videos ku shihen duke rrahur Michel Zecler janë pezulluar nga puna dhe aktualisht ndodhen nën hetim. Incidenti i të shtunës ka çuar në një vëzhdim të ri të forcave të sigurisë mbi veprimet e tyre.
Yjet e ekipit francez të futbollit janë midis një numri figurash publike që kanë reaguar me zemërim për pamjet. Vetë ministri i Brendshëm ka thënë për televizionet franceze se do të merrej me rastin dhe do sigurohej që oficerët të shkarkohen nga puna: ata kanë ndotur uniformën e Republikës tonë, ka thënë ai.
DOCUMENT: la séquence intégrale des 13 minutes de l'agression policière contre un producteur de musique parisien. Attention: images difficiles de violences et d'insultes racistes. pic.twitter.com/37EbfgID2T
— Loopsider (@Loopsidernews) November 26, 2020
Edhe ylli i futbollit, Kylian Mbappe ka reguar duke e quajtur dhunën të papranueshme, vetëm nga fakti se ai ishte me ngjyrë: Video e padurueshme dhe e papranueshme. Thojini jo racizmit!
Videoja u publikua mbrëmë nga faqja Loopsider. Shihen tre oficerë duke shkelmuarm goditur dhe duek përdorur shkopinjtë e tyre drejt muzikantit i cili po futej në studion e tij. Ai u ndalua fillimisht për mosmbajtjen e maskës. Por më pas thuhet se është rrahur për 5 minuta.
DOCUMENT: la séquence intégrale des 13 minutes de l'agression policière contre un producteur de musique parisien. Attention: images difficiles de violences et d'insultes racistes. pic.twitter.com/37EbfgID2T
— Loopsider (@Loopsidernews) November 26, 2020
Ai u ndalua dhe u akuzua për dhunë dhe rezistencë ndaj arrestimit, por prokurorët hodhën akuzat dhe në vend të kësaj hapën një hetim kundër oficerëve.
Pasi mbërriti në komisariat me avokatin e tij për të bërë një ankesë Zecler u tha gazetarëve: "Ata që duhet të më mbrojnë më sulmuan. Unë nuk bëra asgjë për ta merituar. Unë dua vetëm që këta tre persona të dënohen sipas ligjit!
Kryebashkiakia e Parisit Anne Hidalgo tha se ishte tronditur nga akti i patolerueshëm.
*France 24/ Tiranapost.al.