Një armë bërthamore që shpërthen në ujë. A e ka krijuar vërtet Koreja e Veriut?
E Premte 24 Mars 2023, 08:00
TiranaPost
Koreja e Veriut pretendon se dje ka testuar një dron nënujor të aftë për të mbajtur një kokë bërthamore që mund të krijonte një "cunam radioaktiv" - megjithatë analistët janë skeptikë.
Një raport nga Agjencia Qendrore Koreane e Lajmeve (KCNA) tha se droni, i quajtur "Anije e sulmit bërthamor nënujor pa pilot "Haeil", u testua nga 21 deri më 23 marsi, duke lundruar në ujërat jashtë bregut lindor të vendit për më shumë se 59 orë përpara se të shpërthehej të enjten pasdite.
“Misioni i armës strategjike bërthamore nënujore është të depërtojë fshehurazi në ujërat operacionale dhe të krijojë një cunami radioaktiv nëpërmjet shpërthimit nënujor për të shkatërruar grupet sulmuese detare dhe portet kryesore operacionale të armikut”, thuhet në raportin e KCNA.
Raporti i KCNA tha se arma ka qenë në zhvillim që nga viti 2012 dhe i është nënshtruar më shumë se 50 testeve në dy vitet e fundit.
Testi i kësaj jave "verifikoi besueshmërinë dhe sigurinë e tij dhe konfirmoi plotësisht aftësinë e tij për goditje vdekjeprurëse", thuhet në raportin e KCNA.
Ideja e një zhytësi pa pilot që mban armë bërthamore nuk është unike për Korenë e Veriut.
Rusia pretendon se ka zhvilluar silurin Poseidon, një mjet nënujor pa pilot, i lëshuar nga nëndetëse, me energji bërthamore, i aftë të mbajë municione konvencionale dhe bërthamore. Sistemi i tij i shtytjes bërthamore do t'i jepte Poseidon një rreze pothuajse të pakufishme.
Por Rusia nuk ka ofruar asnjë provë për një test të suksesshëm të Poseidon dhe analistët dyshojnë se mund të kalojnë vite nga realizimi.
