Spanjollët kundër mbretit: Kriminel! S’more masa për Valencian
E Diel 3 Nëntor 2024, 15:44
TiranaPost
Mbreti Felipe VI i Spanjës është përballur me protestues të zemëruar, teksa ka vizituar rajonin Valencia, i cili ka regjistruar përmbytje të mëdha në ditët e fundit.
View this post on Instagram
Në disa pamje, banorët e zonës janë dëgjuar duke bërtitur “vrasës” dhe “turp” dhe kanë hedhur baltë në drejtim të mbretit, i cili është pyetur pse nuk është bërë asgjë për të shmangur tragjedinë.
Vërshimet më të këqija në Spanjë, në dekada, kanë lënë lagje të tëra të mbuluara nga balta dhe dhjetëra makina të rrokullisura njëra mbi tjetrën.
Më shumë se 200 njerëz kanë vdekur si pasojë e vërshimeve dhe ka ende persona të zhdukur.
Ekipet për kërkim-shpëtim janë duke bërë përpjekje që të gjejnë ndonjë të mbijetuar.
Banorët janë tejet të zemëruar për mungesën e paralajmërimit dhe mbështetjes së duhur nga autoritetet pas vërshimeve.
Mbreti Felipe dhe Mbretëresha Letizia e kanë vizituar Paiportan, njërën prej qytezave të prekura më shumëi.
Të shtunën, kryeministri spanjoll, Pedro Sanchez ka urdhëruar angazhimin e 10.000 ushtarëve dhe policëve shtesë në zonën e prekur nga vërshimet.
Ai ka thënë se ky është angazhimi më i madh ushtarak në Spanjë në kohë paqeje.
Mirëpo, ai ka deklaruar se është i vetëdijshëm që përgjigjja nuk ka qenë “e mjaftueshme” dhe i ka pranuar “problemet e mëdha dhe mungesat”.
