Posti që mund të marrë Richard Grenell në administratën Trump
E Diel 24 Nëntor 2024, 09:21
TiranaPost
Presidenti i zgjedhur amerikan, Donald Trump është duke e shqyrtuar mundësinë që Richard Grenell, ish-shefi i tij i inteligjencës, të bëhet i dërguar i posaçëm për konfliktin e nisur nga Rusia në Ukrainë, raporton Reuters.
Grenell, i cili ka shërbyer si ambasador amerikan në Gjermani, më pas si i dërguar i posaçëm i Shteteve të Bashkuara për dialogun mes Kosovës dhe Serbisë, dhe si shef për inteligjencë kombëtare në mandatin e parë të Trumpit si president, në periudhën 2017-2021, do të luante rol të madh në përpjekjet e Trumpit për të ndalur luftën e nisur nga Rusia në Ukrainë.
Ndonëse aktualisht nuk ekziston një pozitë në administratën amerikane e dedikuar për t’i dhënë fund kësaj lufte, Trump është duke konsideruar krijimin e pozitës së re, kanë thënë katër burime të afërta me këto zhvillime.
