Propozohet ligji për të lejuar eutanazinë në Angli dhe Uells
E Martë 12 Nëntor 2024, 19:57
TiranaPost
Një projekt-ligj për lejimin e eutanazisë në Angli dhe Uells është paraqitur sot në parlamentin britanik.
Sipas projektligjit, përgjithësisht të rriturit e diagnostikuar me sëmundje terminale dhe që pritet të jetojnë më pak se gjashtë muaj dhe me kusht që pacientët të kenë aftësinë mendore, do të kenë të drejtën t’i japin fund jetës së tyre me ndihmë mjekësore.
Por që kjo të ndodhë, dy mjekë të pavarur do të duhet të japin një opinion në favor të eutanazisë dhe një gjyqtar i Gjykatës së Lartë do të duhet të nënshkruajë për dhënien e dozës vdekjeprurëse të barnave pacientit. Kushdo që i bën presion një personi për të kërkuar eutanazi përballet me 14 vjet burg.
