Putin do që zgjedhjet t’i fitojë Kamala: Ka të qeshur infektuese
E Enjte 5 Shtator 2024, 15:51
TiranaPost
Rusia do që zgjedhjet presidenciale në SHBA t’i fitojë Kamala Harris. Kështu u shpreh Vladimir Putin, i cili përcaktoi “të qeshurën e saj infektuese” si arsye për ta preferuar kundrejt Trump, një koment Në dukje ironik.
Shefi i Kremlini ishte shprehur më herët gjatë vitit, para se Biden të tërhiqej nga gara, se preferonte atë ndaj Trumpit sepse ishtë një politikan më i parashikueshëm, i shkollës së vjetër.
“Nuk është e nevojshme të përcaktoj kandidatin favorit, është zgjedhje e Amerikës në fund. Thashë para pak kohësh se preferoja Biden por ai doli nga gara dhe u kërkoi përkrahësve të mbështesin Harris. Këtë do të bëjmë dhe ne. E qeshura e saj është shumë ekspresive dhe infektuese, do të thotë që po ja del mirë”, tha Putin.
