Qindra të plagosur/ Forcat e rendit izraelite përplasen me besimtarët palestinezë brenda xhamisë Al-Aqsa!
E Shtunë 8 Maj 2021, 09:43
TiranaPost
Forcat e rendit izraelite janë përplasur dhunshëm me besimtarët myslimanë palestinezë përreth xhamisë Al-Asqa, ku ishin mbledhur për lutje dhe për të protestuar kundër dëbimeve të palestinezëve nga qyteti.
Në përgjigje të grumbullimit që është konsideruar i jashtëligjshëm nga Policia e Izraelit është qëlluar me plumba gome përkundrejt turmës duke lënë më shumë se 200 palestinezë dhe 17 policë të plagosur, ndërkohë që ende nuk është raportuar një numër ekzakt i të arrestuarve.
Po ashtu si çdo vit, tensionet mes palestinezëve dhe autoriteteve hebreje shtohet përgjatë muajit të Ramazanit, kohë kur thirrjet për “xhihad” nga fraksionet ekstremiste shtohet, por edhe vigjilenca e autoriteteve izraelite të mbrojtjes është e shtuar.
Tiranapost.al