Zbulohet identiteti i fëmijës së gjetur të vdekur brenda një kutie 65 vjet më parë
E Premte 9 Dhjetor 2022, 08:25
TiranaPost
"Djali në kuti ka një fytyrë dhe një emër. Kjo falë teknikës së rindërtimit të pamjes.
Ky rindërtim i fytyrës nga Qendra Kombëtare për Fëmijët e Zhdukur dhe të Shfrytëzuar tregon djalin e gjetur të vdekur në një kuti në Filadelfia në vitin 1957.
Policia të enjten identifikoi publikisht një djalë të gjetur të vdekur në një kuti në Filadelfia 65 vjet më parë si 4-vjeçari Joseph Augustus Zarelli, viktimë e asaj që policia thotë se është një nga vrasjet më të vjetra të pazbardhura të qytetit.
Identifikimi, i bërë përmes analizës së ADN-së e vërteton se bëhet fjalë për të. Në fund të shkurtit 1957 fëmija u gjet i mbështjellë me një batanije brenda një kuti kartoni.
Rasti tërhoqi një interes të jashtëzakonshme publike. Askush s'e pranoi se ishte fëmija i tyre dhe identiteti i tij mbeti një mister pavarësisht përpjekjeve të shumta për ta identifikuar atë gjatë viteve.
Kjo ndryshoi këtë javë kur policia njoftoi se e kishte identifikuar me sukses fëmijën përmes punës detektive dhe me ndihmën e gjenealogëve gjenetikë.
"Për gjashtëdhjetë e pesë vjet, historia e Fëmijës së Panjohur të Amerikës ka përndjekur këtë komunitet, Departamentin e Policisë së Filadelfias, kombin tonë dhe botën," tha Outlaw, i cili hapi konferencën për shtyp të së enjtes duke lavdëruar brezat e oficerëve të policisë që punuan për këtë çështje. disa prej të cilëve nuk jetojnë më.
Zyrtarët shpresojnë se teknikat e përdorura për të identifikuar Jozefin pas kaq shumë vitesh do t'i ndihmojnë ata në raste të tjera në të ardhmen; zbulimi "sjell shpresë se nuk do të ketë më kurrë një viktimë të paidentifikuar të vrasjes në qytetin e Filadelfias", tha Outlaw.
Megjithatë, ndërsa zyrtarët këtë javë po festojnë identifikimin e Jozefit, hetimi se kush ishte përgjegjës për vdekjen e tij mbetet në vazhdim.
"Ne kemi dyshimet tona se kush mund të jetë përgjegjës, por do të ishte e papërgjegjshme nga ana ime t'i ndaj këto dyshime pasi ky mbetet një hetim penal aktiv dhe i vazhdueshëm," tha kapiteni Jason Smith i njësisë së vrasjeve të Policisë së Filadelfias.
