Zelensky i zhgënjyer nga telefonata e Scholz me Putin: Kjo është Kutia e Pandorës
E Shtunë 16 Nëntor 2024, 14:03
TiranaPost
Presidenti Volodymyr Zelensky u shpreh i zhgënjyer nga telefonata e kancelarit gjerman Olaf Scholz me presidentin Rus Vladimir Putin.
“Telefonata e Olaf, për mendimin tim, është kuti e Pandorës. Tani mund të ketë edhe telefonata te tjera. Kjo është pikërisht ajo që Putini ka dashur prej kohësh. Eshtë jashtëzakonisht e rëndësishme për të që të dobësojë izolimin e tij dhe të zhvillojë negociata të zakonshme që nuk do të përfundojnë me asgjë”.
Sipas Zelensky-t Moska i ka përdorur vazhdimisht negociatat për të çuar përpara interesat e saj në kurriz të Ukrainës.
Nga ana tjetër, një zëdhënës i qeverisë gjermane tha se Olaf Scholz i kërkoi presidentit rus Vladimir Putin të fillonte bisedimet me Kievin që do të hapte rrugën për një “paqe të drejtë dhe të qëndrueshme”.
