Nën lupën e Stela Sallakut

Le të lëmë pak Jackie-n mënjanë dhe të rrëmojmë në dollapin e të motrës, po aq sharmante në mos më shumë

Le të lëmë pak Jackie-n mënjanë dhe të

Caroline Lee Radziwill është motra e vogël e Jacqueline Kennedy Onassis, ish-Zonjës së Parë të Amerikës. Nuk ka qenë aq e njohur sa e motra, por me stilin tërësisht unik u bë muza e shumë dizajnerave. Me siguri sapo t’i shihni fotot do e kuptoni menjëherë se cili stilist është frymëzuar prej saj. Linjat e pastra të Giorgio Armanit, pantallonat dhe xhaketat e shkurtra të Giambatista Valli kanë qenë disa prej të preferuarave të saj. Megjithatë sot do i shohim me imtësi 10 veshje nga më të fundit, nga të cilat pesë janë për t’u “kopjuar” menjëherë. Lee mund të frymëzojë edhe sot zonjat, sepse qasja e saj ndaj modës ka qënë shumë ndryshe nga moshataret e saj. Kjo është dhe arsyeja pse dukej elegante edhe në moshën 86-vjeçare.

5 veshjet më të mira

[caption id="attachment_339303" align="aligncenter" width="683"] (Foto nga Google)[/caption]

Ajo që më ka pëlqyer gjithnjë tek Caroline ka qenë zgjedhja e këpucëve. Pavarësisht veshjes, këpucët i zgjidhte me majë dhe takë të ulët.

[caption id="attachment_339310" align="aligncenter" width="683"] (Foto nga Google)[/caption]

Fustanet në përgjithësi i kishte njëngjyrëshe dhe thuajse në nuanca neutrale. Pra nuk i preferonte ngjyrat vibrante. Nuk ishte e gjatë ndaj i duheshin veshje që t’ia zgjatnin siluetën. Fustani me pupla ka aq detaje sa për të mos tërhequr vëmendjen nga këpucët dhe çanta.

[caption id="attachment_339309" align="aligncenter" width="683"] (Foto nga Google)[/caption]

E kush nuk do donte që gjyshja të dukej pikërisht kështu, të kishte kaq stil, aq sa konkuron dhe blogeret. Duket sikur zonjat e viteve ‘50 dukeshin elegante gjithë jetën.

[caption id="attachment_339312" align="aligncenter" width="683"] (Foto nga Google)[/caption]

Lee nuk i kursente detajet kur duheshin, por të harmonizuara gjithnjë me veshjen. Flokët i ka mbajtur gjithnjë në nuancë natyrale.

[caption id="attachment_339306" align="aligncenter" width="683"] (Foto nga Google)[/caption]

A e dini pse më pëlqejnë vitet ‘40-‘50? Sepse zonjat kishin një kod të pashkruar për kodin e veshjes. Gjatë javës funde laps, tweed ose lesh, fundjava me triko dhe xhinse, ndërsa darka me geta të holla, këpucë me takë të ulët dhe bluza të leshta.

5 sugjerime se si mund t’i bëni sot këto kombinimet

[caption id="attachment_339311" align="aligncenter" width="683"] (Foto nga Google)[/caption]

Sugjerimet janë për të gjitha zonjat, që duan të frymëzohen nga ikonat e modës qoftë për evente apo përditshmëri. Lee padyshim kishte stilin e saj saqë shpeshherë shallin e kishte “must”. Nëse do ta vishni sot këtë kombinimin, provoni një shall tjetër mëndafshi.

[caption id="attachment_339307" align="aligncenter" width="683"] (Foto nga Google)[/caption]

Zakonisht jakat e pellushit duhet të jenë në proporcion me shpatullat dhe qafën. Pra nuk duhet të dukesh sikur s’ke supe, por as t’i theksosh kaq shumë.

[caption id="attachment_339304" align="aligncenter" width="683"] (Foto nga Google)[/caption]

Duke ia parë veshjet me lupë, them se gjej shumë ngjashmëri tek stili i Lee dhe Jackie. Nuk e di kush frymëzoi kë, ama thjeshtësia dhe eleganca e motrës së vogël të Jackie, më bën të mendoj se ka qenë shumë krijuese. Visheni me një xhaketë lart në ditët e sotme.

[caption id="attachment_339308" align="aligncenter" width="683"] (Foto nga Google)[/caption]

Do bija dakort me thënien e Pierre Balmain për pellushin, që thotë se balanca mes klasikes dhe sportives është kombinimi më i bukur.

[caption id="attachment_338849" align="aligncenter" width="2003"] (Foto nga Google)[/caption]

Më pëlqen shumë kombimi mes pellushit dhe copës mat të pantallonave. Kombinojeni me një çantë bardhezi.