Nën lupën e Stela Sallakut

Lorik Cana, çështje zotërinjsh

Lorik Cana, çështje zotërinjsh

“Kostumi është element shumë i rëndësishëm. Mbase mund të quhet dhe ai më i rëndësishmi i gardërobës. Fillimisht i përkiste vetëm meshkujve. Por së fundmi, të dyja si copa dhe dizajni janë riformatuar për t’iu përshtatur edhe trupit të zonjave.” Christian Dior

Nuk e di pse kostumet që zgjedh Lorik Cana, më kthejnë pas në kohë. Pikërisht tek vitet ‘50-‘60, ku nuk konceptohej dot që mbi këmishë të mos kishte dhe jelek. Ku kravata harmonizohej me shaminë e xhepit apo jaka e këmishës nuk duhet të mbulojë kravatën. Edhe pse kemi zgjedhur Lorikun sot për rubrikën “Nën lupën e Stela Sallakut”, nuk e mohojmë faktin që atij i rri mirë thuajse çdo gjë që vesh. Ka fizikun e rregullt, është i gjatë dhe me tipare të rregullta brune. Zotërinj! Frymëzohuni nga 5 veshjet e para, dhe mbani shënim këshillat për pesë veshjet e dyta.

[caption id="attachment_364584" align="aligncenter" width="596"] (Foto nga Instagram)[/caption]

Ngjyra e dytë më e bukur për kostum, pas të zezës është pikërisht bluja e natës ( “The little dictionary of fashion” Christian Dior). Dhe e treta është grija dhe jeshile ulliri.

[caption id="attachment_364585" align="aligncenter" width="481"] (Foto nga Instagram)[/caption]

Edhe pse xhaketa duket si e thjeshtë, jaka “vintage” i jep gjithë bukurinë xhaketës së zezë. Qoftë dhe asaj më të zakonshmes. Ka prerje ceremoniale, me kopsa të veshura dhe xhepa me fileto.

[caption id="attachment_364586" align="aligncenter" width="492"] (Foto nga Instagram)[/caption]

Më pëlqen gjatësia e kravatës si dhe rregullsia e jakës, e cila zakonisht mbahet me kopsë ose me aksesorë të dedikuar. Pikë shtesë sepse është kombinuar dhe me bashkëshorten.

[caption id="attachment_364587" align="aligncenter" width="480"] (Foto nga Instagram)[/caption]

Meqë kemi folur shpesh se golfi është “must” këtë sezon, edhe Loriku nuk e la në harresë. Ka zgjedhur pikërisht nuancën që i vë në pah tiparet.

[caption id="attachment_364588" align="aligncenter" width="596"] (Foto nga Instagram)[/caption]

Më pëlqen që ka guxuar me “hoodie” (bluzë me kapuç), në emision. Duket trendi dhe shumë më i ri në moshë.

Kalojmë tek 5 sugjerime

[caption id="attachment_364589" align="aligncenter" width="556"] (Foto nga Instagram)[/caption]

Kostumin e zi mos e vishni me kravatë rozë, sidomos në këtë tonalitet. Për ceremonitë e mbrëmjes duhet një print (ose ngjyrë) më afër neutrales (gri, bardhezi, jeshile ulliri shumë e errët).

[caption id="attachment_364590" align="aligncenter" width="562"] (Foto nga Instagram)[/caption]

Ndoshta xhaketat me dy pala në kurriz nuk i rrinë aq mirë sa ato që kanë vetëm një palë. E tregojnë më të gjerë në bel.

[caption id="attachment_364613" align="aligncenter" width="596"] (Foto nga Instagram)[/caption]

Xhaketa ka jakë të vogël dhe klasike, ndaj nuk shkon me këmishën ceremoniale. Vini re jakën e zgjeruar, e cila do patjetër papjon ose kravatë të plotë.

[caption id="attachment_364614" align="aligncenter" width="479"] (Foto nga Instagram)[/caption]

Kapelja nuk është pika e tij e fortë, por shalli më pëlqen.

[caption id="attachment_365086" align="aligncenter" width="1242"] (Foto nga Instagram)[/caption]

Jo rrallëherë kam parë meshkuj me kostume të bukura, por me aksesorët e gabuar. Jo çdo lloj xhakete blu, shkon me kravatë blu dhe këmishë të bardhë. Duhet që të tre elementët të jenë në sintoni me njëri-tjetrin. Prerja e xhaketës, do një tjetër kravatë, pak më të hollë.