200 mijë prezervativë hapin shfaqjen e modës në Milano
E Shtunë 25 Shkurt 2023, 18:11
TiranaPost
Të ftuarit e Javës së Modës në Milano, të Diesel u suprizuan nga një mal me prezervativë. Marka italiane zbuloi koleksionin e saj Vjeshtë-Dimër 2023 nën një sfond prej mbi 200,000 kutive Durex. Qëllimi ishte theksimi i pozitivitetit të seksit, por edhe lajmërimi për bashkëpunimin e ardhshëm me kompaninë kontraceptive.
“Ne në Diesel na pëlqen të luajmë dhe jemi seriozë në këtë pikë”, tha drejtori kreativ Glenn Martens në një deklaratë. “Argëtohuni, respektoni njëri-tjetrin, jini të sigurt”, shtoi ai.
Në të vërtetë, i gjithë koleksioni prezantoi tema të lirisë, kënaqësisë dhe eksperimentimit, me modele të xhinseve me bel të shkurtër, veshje me dantelle të tejdukshme, rrjetë dhe fustane mëndafshi.
Kolona zanore shoqëruese e sfilatës shoqërohej nga psherëtima kënaqësie duke e bërë të qartë se ishte gjithçka më e guximshme nga sa dukej.
Që kur u bë drejtor kreativ në tetor të 2020-ës, stilisti belg e ka drejtuar Diesel – i njohur prej kohësh për marketingun e tij provokues – drejt përdorimeve më eksperimentale të xhinseve.
Në përputhje me tematikën, ftesat për të ftuarit në event u dërguan në formën e pakove Durex.
