5 fustanet bardhezi të Penelope Cruz, të veshurës më bukur në Venecia
Festivali i Venecias nuk ka mbaruar akoma. Do zgjasë deri në 11 shtator. Ama e veshura më bukur, në unanimitet të plotë nga mediat që ndjekin festivalin, është Penelope Cruz. “Festivali i Venecias është i asaj”, ky është kryetitulli i ditëve të fundit. Aktorja ndodhet në Venecia për të promovuar filmat e rinj, por zhurmën më të madhe e bënë fustanet e saj.
Me këtë fustan-xhaketë mbërriti në Venecia ditën e parë, kur nuk ishte errësuar akoma.
Pastaj në çdo dalje u vesh edhe më klasike.
Kjo veshje për shembull është Chanel nga koka tek këmbët. Fustani Chanel, çanta Chanel dhe këpucët me perla në takë, një nga detajet më IN.
Edhe ky fustan bardhezi prej mëndafshi është i Chanel. Janë dashur 300 orë punë me dorë për ta krijuar dhe është i koleksionit vjeshtë-dimër 2021-2022.
Në daljet e tjera zgjodhi modele të ndryshme fustanesh elegantë, por të gjithë bardhezi, duke qenë besnike e të njëjtit kombinim.