Ja si dukej Emily me fustanin e Nensi Dojakës mes yjeve në Saint Tropez
E Hënë 30 Maj 2022, 21:54
TiranaPost
Modelja e famshme, Emily Ratajkowski, ka shkëlqyer nën një tjetër fustan të stilistes shqiptare Nensi Dojaka. Ajo ishte e ftuar në ceremoninë e martesës së Ari Emanuel dhe Sarah Staudinger në Saint Tropez të shtunën.
Emily ishte veshur me një fustan të kaltër, të detajuar me prerjet që tashmë me një shikim na kujtojnë menjëherë krijimet e shqiptares Nensi Dojaka.
I prerë në pjesën e sipërme, duke i shtuar bukurinë me detajin e një zemre rozë në mes të gjoksit dhe stomakut, modelja dukej thjesht e mahnitshme.
Dizajni i veçantë vazhdoi edhe në pjesën e shpinës, ndërsa fustani kishte si detaj edhe një të çarë në këmbën e majtë.
Ylli e kompletoi fustanin e Dojakës me një çantë të zezë dhe sandale të kaltra me rripa.
