I intervistuar nga Financial Times në korridoret e shfaqjes së tij të fundit veneciane, stilisti përsërit se nuk ka ndërmend të shesë markën e tij.
“Këto grupe franceze duan të marrin gjithçka, nuk e kuptoj, më duket paksa qesharake, pse të dominohem nga një prej këtyre mega strukturave që i mungon personaliteti?”.
Pak vite më parë, stilisti i madh italian i tha revistës Vogue se kishte ndërmend të krijonte partneritet me një kompani të rëndësishme italiane, duke qarkulluar spekulime se marka e tij legjendare ishte në shitje. Por tani Armani e mohon: “Të gjithë më thonë që të tërhiqem dhe të shijoj frytet e asaj që kam ndërtuar, por unë them jo, absolutisht jo”.
Dizajneri 89-vjeçar tregon se po bën plane për të ardhmen e kompanisë: “E di që kompania Giorgio Armani është identifikuar me mua, ndaj është përgjegjësia ime që sigurohuni që të vazhdojë dhe të mbajë një imazh që ju kujton zotin Armani”.
Financial Times vëren se,ndërsa Valentino, Gucci dhe Versace u janë shitur të gjithë investitorëve të huaj, Armani mbetet pronari i vetëm i kompanisë që mban emrin e tij. Armani është sipërmarrësi i dytë më i pasur në Itali, pas trashëgimtarit të Nutella, Giovanni Ferrero.
