Java e modës në Paris vendosi trende të reja për veshjet e burrave
E Diel 22 Janar 2023, 09:28
TiranaPost
Java e modës për burra në Paris pa Dior, Louis Vuitton, Loewe dhe Givenchy të rikthyer plotësisht nga pandemia, ndërsa Bluemarble, një markë e preferuar nga Timothée Chalamet dhe Justin Bieber pati një prezantim plot ngjyra.
Ja tendencat më të spikatura të shfaqjes së këtij viti:
Përralla e dy Givenchy-ve
Koleksioni i Givenchy ishte i vështirë për t’u identifikuar. Mund të përshkruhet si një përrallë me dy pjesa. E para ishte një shfaqje e rrobaqepësisë së shkëlqyer minimaliste nga stilisti Matthew M. Williams. Veshjet ishin një kombinim i klasikes dhe sportives.
Ndërsa pjesa e dytë ishte më e guximshme, me veshjet të frymëzuara nga një imazh i piktorit Lucien Freud.
Bluemarble eksploron identitetet
Bluemarble numëron aktorin Timothée Chalamet dhe këngëtarin Justin Bieber mes adhuruesve të tij. Koleksioni i këtij viti nga dizajneri Anthony Alvarez përqëndrohej në eksplorimin e identiteteve dhe ishte një kombinim i veshjeve të rrugës dhe rrobaqepësisë ndërkulturore.
Alvarez, i cili ka lindur në Nju Jork dhe ka rrënjë filipinase, spanjolle, franceze dhe italiane, përdor disa identitete të tij si gur stili.
Saint Laurent në reverso
Shtëpia që ripërcaktoi modën e grave me smoking për meshkuj në vitet 1960, bëri të kundërtën këtë sezon.
Dizajneri Anthony Vaccarello përdori veshjet bardh e zi të garderobës së grave të Saint Laurent për prezantimin e veshjes së burrave.
LGN shkon me ‘Amerikan Psycho’
Në përputhje me traditën, stilisti i ri francez Louis Gabriel Nouchi e bazoi koleksionin e tij përsëri rreth një teme libri. Bëhet fjalë për ‘American Psycho’. Ja disa nga veshjet:
Një përmbledhje në Video:
View this post on Instagram
