Nuk janë më motrat Hadid, por e bija e një supermodeleje që po hap të gjitha sfilatat
Javëve të modës me trendet e fundit të këtij viti po u vjen fundi, kemi parë në pasarela modelet më me emër të kohës, por një tjetër modele, jo Bella dhe as Gigi Hadid po i hap sflilatat të parat.
Ajo është Kaia Gerber, e cila u shfaq së fundmi në sflitat e Versace dhe Bottega Veneta.
Ajo është Kaia Gerber, amerikania 18 vjeçe, 1.75 e gjatë dhe brune. Kaia është vajza e supermodeles Cindy Crawford, tani 54 vjeçe.
Në një intervistë të vitit të kaluar me Vanity Fair, Kaia tregon se si u rrit ndryshe nga shoqet e saj, jo me libra vizatimorë, por me revista fotosh, të fotografit amerikan Herb Ritts, të cilat i merrte dhe i ngjiste në mur.
Se çfarë ishte modelingu ajo e mësoi nga nëna e saj: Linte punën në studio, kthehej në shtëpi dhe gjëja e parë që bënte ishte heqja e grimit, qerpikët false, thjesht hiqte gjithçka që i duhej për punën. Në shtëpi ishte thjesht nëna ime. Duke e parë çdo ditë fillova të kuptoja konceptin e modelingut.
Kaia ka filluar modelingun që në moshën 13 vjeçe, kur firmosi kontratën me një agjenci: në fillim isha në një pozitë të pazakontë, por fatmirësisht modelimi nuk ishte botë e huaj për mua. Nëna ime më dha njohuritë që vajzat e tjera nuk i dinin. Shumë gjëra mësohen rrugës, karriera ndryshon nga një njeri tek tjetri, por unë të paktën u ndjeva e sigurt.
Në pasarelë doli në moshën 16 vjeçe, në vitin 2018 në javën e modës: Pranverë 2018 të Ralf Simons për Calvin Klein.