Java nis me mot të qëndrueshëm. Temperaturat deri në 25 gradë
E Hënë 21 Tetor 2024, 08:30
TiranaPost
Këtë të hënë, vendi ynë do të jetë nën mbizotërimin e motit të qëndrueshëm, ku priten intervale të gjata me kthjellime e më të theksuara kthjellimet do të paraqiten në bregdet dhe pjesërisht zonat e ulëta.
Parashikohet që orët e vona të mbrëmjes të sjellin kalime vranësirash, ku më të shpeshta do të jenë në zonat e thella malore por nuk priten reshje.
Temperaturat e ajrit do të ulen në mëngjes, por mbeten konstante në mesditë duke luhatur vlerat ditore nga 8°C vlera më e ulët, deri në 25°C vlera më e lartë e cila pritet në Qarqet; Berat dhe Elbasan.
Era do të fryjë e lehtë dhe mesatare me shpejtësi mbi 30 km/h nga drejtimi kryesisht Verilindor, duke krijuar në brigjet detare dallgëzim të ulët.
