Moti i keq pushton vendin, ku janë zonat më problematike
E Premte 22 Nëntor 2024, 11:26
TiranaPost
Moti i keq ka pushtuar vendin orët e fundit. Kjo situatë ka sjellë dhe probleme në disa zona. Mësohet se në qytetin e Lezhës ka probleme me furnizimin me energji elektrike.
Era e fortë ka dëmtuar linjat në disa zona dhe pa energji elektrike janë disa fshatra në zonën e Zadrimës, Ishull-Lezha dhe pjesa e Bregut të Matës. Probleme ka patur edhe në disa fshatra të bashkisë së Vaut të Dejës.
Lundrimi detar në Shëngjin vijon të jetë i pezulluar, pasi dallgëzimi ka arritur deri ne 7-8 ballë me shpejtësi ere deri 15-20m/s dhe lartësi dallge nga 1.50 deri 2.00 metra.
Në Shkodër moti i keq me erëra të forta dhe reshje shiu ka krijuar probleme ne segmentin rrugor Prekal-Kir.
