Seriali The Crown edhe një herë tregon se veshjet ikonë të Lady Dianës nuk vdesin kurrë. Ja disa që duhet t’i kesh edhe ti në dollap
E Shtunë 28 Nëntor 2020, 21:22
Stela Sallaku
Ky sezoni i katërt i Netflix, The Crown, prezantoi personazhin e shumëpritur, Dianën. Sytë e të gjithëve ngelën tek veshjet e saj, të cilat konstumografja i kishte përzgjedhur jo pa qëllim. Vetëm fustani i dasmës së Dianës, i ka marrë asaj një kohë të gjatë për t’u skicuar, dizenjuar, provuar dhe qepur. Jo pak por 14 ditë punë për t’u shfaqur vetëm 10 sekonda në film.
Seriali do t’i dedikojë 3 sezone Dianës, që nga koha kur ishte vajzë e deri në ndarjen me Charles. Mbase edhe pak detaje nga aksidenti në 1997. E veçanta e tij është vëmendja ndaj detajeve të aksesorëve, vathëve, çantave, perlave, fustaneve dhe kapeleve që duken shumë shumë të ngjashme me ato të ish-Princeshës së Wales.
Ja përshembull, kostumi blu rojale të cilin kishte veshur ditën që u fejua me princin, duket identik me versionin origjinal të tij. Madje dhe copa, lidhja e fjongos, rripi, etj. Këtë mund ta veshim dhe sot, ndoshta kombinuar me një golf në vend të këmishës, dhe me atlete.
Kur princesha veshi këtë trikon e kuqe me “delen e zezë”, u komentua nga të gjithë si metaforë e jetës së saj. Por, në film Diana e vesh për të parë një film në shtëpi.
Në udhëtimin e saj për në Australi, aktorja që luan rolin e Dianës, ka veshur fustanin dizenjuar me dy copa të ndryshme, të cilin Diana vetë e ka veshur në Canada. Pikërisht nga ky fustan, janë frymëzuar plot dizajner, si Adam Lippes, Self Portrait etj.
The Crown në këtë seri nuk rikrijoi thjesht veshjen e Dianës, por komplet eventin në tërësi.
Pas prezantimit të serialit, rikrijimit të veshjeve, skenave, momenteve, thashethemeve dhe intrigave, shikuesit kanë ripërjetuar dhe njëherë mospëlqimin kundrejt Camilla-s. Dhe nuk janë kursyer aspak me komente negative, duke ia bërë të qartë se ajo, sado diamantë të këtë në qafë, ose veshje të shtrenjta të ketë, nuk do ketë kurrë klasin e Dianës.
