Politikë

“Amerikanët” për reformën në drejtësi: nuk është as e shpejtë, as e persosur por atë keni për të çuar para Shqipërinë

“Amerikanët” për reformën në drejtësi: nuk

Ambasada amerikane në Tiranë ka përshëndetur ditën e sotme progresin e bërë nga vendi ynë gjatë 5 viteve në lidhje me reformën në drejtësi.

Në kuadër të një mbledhjeje me përfaqësues të shtetit shqiptar, të cilët kanë punuar dhe kontribuar për përmirësimin e drejtësisë, Ambasada thotë se Reforma nuk është e lehtë, e shpejtë apo e përsosur, teksa shprehet mirënjohëse për ata që e kanë sjellë Shqipërinë deri në këtë nivel.

Deklarata e plotë e Ambasadës së SHBA-ve në Tiranë:

Me mbylljen e vitit 2021, Ambasada e Shteteve të Bashkuara në Tiranë hedh një vështrim mbi progresin që ka bërë Shqipëria gjatë pesë viteve të para të Reformës në Drejtësi. Progresi nuk duhet të matet vetëm nga distanca deri në destinacion, progresi duhet të matet edhe nga sa larg kemi arritur në udhëtim.

Paketa legjislative, duke përfshirë ndryshime të rëndësishme kushtetuese, shënoi një pikënisje për matjen e këtij progresi. Si një reformë gjithëpërfshirëse, Shqipëria zgjodhi të ndërmerrte një plan tërësor për të rivlerësuar integritetin dhe profesionalizmin e anëtarëve të sistemit të drejtësisë dhe promovimin e një kulture të re nëpërmjet ndryshimit të strukturës së institucioneve të drejtësisë nëpërmjet depolitizimit dhe decentralizimit.

Përfaqësuesit e Ambasadës së ShBA u mblodhën së fundmi me disa nga individët e shumtë që punojnë pa u lodhur, çdo ditë, për të zbatuar këto koncepte dhe për ta bërë reformën në drejtësi një sukses. Reforma në drejtësi nuk është e lehtë, e shpejtë apo e përsosur dhe Ambasada e Shteteve të Bashkuara është mirënjohëse për ata që e kanë sjellë Shqipërinë deri këtu.

Tiranapost.al